Go fediša boimana ke ge mosadi a tšea sephetho sa go fediša boimana bja gagwe ka mekgwa ya kalafo pele ga ge lebaka la boimana le fihla mafelelong. Mosadi o swanetše go ba le dibeke tša ka fase ga tše 13 a imile gore a fediše boimana ka ntle le go fa mabaka.
Ge e le gore o na le dibeke tše 13 le tše 20 a imile, boimana bo ka fedišwa fela ka fase ga maemo a itšego. Ge e le gore o na le dibeke tša go feta tše 20 a imile, go fediša boimana go ka dirwa fela ge e le gore bophelo bja gagwe goba bja leseana le a le imilego bo le kotsing goba go na le kgonagalo ya gore go ka ba le mathata a magolo a pelego.
Hwetša tshedimošo ka botlalo ka ga go fediša boimana goba ikgokaganye le Kgoro ya Maphelo go 012 395 8000.
