Kgopelo ya go fiwa ngwana

Ka ga mabapi le go dira kgopelo ya ngwana wa lefepša

Ge o nyaka go dira kgopelo ya go ba le ngwana wa lefepša, o swanetše go ikopanya le mokgahlo wo o tlogo go lekola go bona ge e le gore o loketše go ba le ngwana wa lefepša le go go thuša go hwetša ngwana yoo.

O ka dira kgopelo ya go ba le ngwana wa lefepša ge o le Moafrika Borwa yo a dulago ka mo nageng gomme o nyaka go ba le ngwana wa mo Afrika Borwa.

Seo o swanetšego go se dira

1. Eya mokgahlong wa go šoma ka bana ba mafepša profenseng ya geno go dira kgopelo
2. Mokgahlo woo o tlo dira diteko go bona ge e le gore o loketše go ba le ngwana wa lefepša
3. Ge mokgahlo o kgotsofetše, o tlo go ngwala ka gare ga Retšistara ya Bana ba Mafepša le Batswadi  (RACAP) nakong ya ge o tla be o nyakana le ngwana yo o ka mo fepago
4. Ge ngwana a le gona, mokgahlo o tlo go bitša gore o tle o mmone le gore o bolele gore o na le kgahlego ngwaneng yoo
5. Ge o dumela, bat lo romela kgopelo ya gago Kgorotshekong ya Bana gore go phethwe ka yona le gore go fiwe taelelo ya semmušo
6. Kgorotsheko e tlo begela Kgoro ya Tlhabollo ya Leago gore kgoyo yeo e lekole ge e le gore magato a maleba a latetšwe le go dira rekoto ya tshedimošo ya gago le ya ngwana.

Lebaka

E fapana go ya ka kgopelo

E dira tshenyagelo ya bokae

O swanetše go dira kgopelo mokgahlong wo o dumeletšwego wa go šoma ka bana ba mafepša

Diforomo tšeo di swanetšwego go tlatšwa

Difomo ka moka di hwetšagala ofising ya kgauswi le wena ya Kgoro ya Merero ya Tlhabollo ya Leago

Dintlha tša boikopanyo

Lenaneo la diofisi tša Kgoro ya Tšwetšopele ya Setšhaba