Dira kgopelo ya go ba le ngwana wa lefepša ye e nago le elemente ya dinaga tše pedi

Mabapi le go dira kgopelo ya go ba le ngwana wa lefepša ye e nago le elemente ya dinaga tše pedi

Ge o le modudi wa naga ya ntle empa gabjale o dula mo Afrika Borwa gomme o nyaka go ba le ngwana wa lefepša wa Moafrika Borwa, o swanetše go ikopanya le modirelaleago goba mokgahlo wo o dumeletšwego , eupša ga go kgapeletšo ya gore o ikopanye le tšeo di tlogago di šoma ka merero bana ba dinaga tše dingwe.

O swanetše go ba o kile wa ba ka mo nageng lebaka la mengwaga ye mehlano gomme o swanetše go fana ka bohlatse bja phemiti ya bodudi le ya mošomo. O swanetše go dira kgopelo gomme e tlo tšewa bjalo ka kgopelo ya bosetšhaba.

Seo o swanetšego go se dira

• Eya mokgahlong wa go šoma ka bana ba mafepša profenseng ya geno go dira kgopelo
• Mokgahlo woo o tlo dira diteko go bona ge e le gore o loketše go ba le ngwana wa lefepša
• Ge mokgahlo o kgotsofetše, o tlo go ngwala ka gare ga Retšistara ya Bana ba Mafepša le Batswadi (RACAP) nakong ya ge o tla be o nyakana le ngwana yo o ka mo fepago
• Ge ngwana a le gona, mokgahlo o tlo go bitša gore o tle o mmone le gore o bolele gore o na le kgahlego ngwaneng yoo
• Ge o dumela, ba tlo romela kgopelo ya gago Kgorotshekong ya Bana gore go phethwe ka yona le gore go fiwe taelelo ya semmušo
• Kgorotsheko e tlo begela Kgoro ya Tlhabollo ya Leago gore kgoyo yeo e lekole ge e le gore magato a maleba a latetšwe le go dira rekoto ya tshedimošo ya gago le ya ngwana.

Lebaka

E fapana go ya ka kgopelo.

E dira tshenyagelo ya bokae

O swanetše go dira kgopelo mokgahlong wo o dumeletšwego wa go šoma ka bana ba mafepša

Diforomo tšeo di swanetšwego go tlatšwa

Difomo ka moka di hwetšagala ofising ya kgauswi le wena ya Kgoro ya Merero ya Tlhabollo ya Leago.

Dintlha tša boikopanyo

Lenaneo la diofisi tša Kgoro ya Tšwetšopele ya Setšhaba