Ukwenziwa ibe ngesemthethweni (ukuqinisekiswa) kwemitlolo

Nayibe imitlolo yakho ikhutjhwe yiSewula Afrika begodu izakusetjenziswa kenye inarha kufanele ithome"ngokuqinisekiswa" namkha  "yenziwe ibe ngesemthethweni". Le yikambiso lapho kunanyathiselwa iintembu ezihlukileko emitlolweni  ukwenzelela bona yamukelwe njengesemthethweni kezinye iinarha.

IPhiko lokuQinisekisa lomNyango weTjhebiswano nokuSebenza kweenTjhabatjhaba lingakhupha isiTifikedi sokwenza umTlolo ube ngoseMthethweni  esifaneleko namkha isiTifikedi sokuQinisekisa ngokulawulwa mithetho elandelako:

  • Imitlolo leyo isese semthethweni.
  • Kufanele ubikele iPhiko lokuQinisekisa lenarha ukuthi imitlolo leyo iyokusetjenziswa kiyiphi inarha ukwenzelela bona iphiko likghone ukuthatha isiqunto sokobana kufuneka isiTifikedi sokwenza umTlolo ube ngosemThethweni namkha sokuQinisekisa.
  • Kuya ngomtlolo, kungafanela bona umtlolo ufakwe isitembu/utlikitlwe mnyango namkha ihlangano efaneleko; nguMarhastrada, uMarhastrada oGunyaziweko namkha uMarhastrada oSizako; namkha umTlolisi namkha umSizi womTlolisi weKhotho ePhakemeko yeSewula Afrika  ngaphambi kokobana iPhiko lokuQinisekisa lingakhupha isiTifikedi sokwenza umTlolo ube ngosemThethweni ofaneleko namkha isiTifikedi sokuQinisekisa.

Imitlolo elandelako ayamukelwa:

  • Imitlolo erhunyeziweko namkha amaphepha akhutjhwe yiphrinta.
  • Amakhophi wesitifikedi somtjhado, samabeletho, sokufa abethwe isitembu  namkha iintifikedi eziqinisekiswe mapholisa.
  • Amakhophi aqinisekiswe ngokubethwa isitembu wobuJamo bomTjhado (nakunganasiqabo) namkha ubuFakazi bobAkhamuzi.
  • Amakhophi wemitlolo yamakhambo akghadlwe isitembu.
  • Amakhophi wemitlolo aqinisekiswe boKomitjhinara bokuFungisa ukobana angewamambala, ngeze amukelwa, kufanele asiwe kumSebenzeli weKhotho (igcwetha elitlolise neKhotho ePhakemeko).

Funda ngokunabileko mayelana nokwenziwa kwemitlolo ibe ngesemthethweni, dosela iPhiko lokuQinisekisa kilenomboro yomtato: 012 351 1726 namkha uthumele iposommoya ku: legalisation@dirco.gov.za.

 

Share this page