Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Omunye nomunye umuntu namkha ibhizinisi elinomabonwakude kumele abe/libe nelayisensi evumelekileko begodu ebhadaliweko ngasosoke isikhathi.
Nawubhadala ilayisensi yakho kokuthoma ubhadala yoke imali eyi-R250. Ilayisensi eyehliselwe imali yi-R70 ngomnyaka. Ungenza isibawo sokuhlisewla imali yelayisensi kwa SABC.
Abantu abalandelako ngibo abangahliselwa imali yamalayisensi:
- Omunye nomunye oneminyaka ema-70 namkha ngaphezulu ongahlali nomuntu osebenzako .
- Omunye nomunye othola umrholo wezehlalakuhle ovela kumNyango wezokuThuthukiswa komPhakathi, umrholo wokuluphala, wokurholophala namkha wabomakadebona bepi.
Iinhlangano/amabhizinisi kumele abe nelayisensi ye-TV nge-TV ngayinye abanayo. Imikhaya kumele ibe nelayisensi elilodwa lama-TV woke akhona ngendlini, nangabe woke ngewomuntu oyedwa. Abantu abadala (abazijameleko), abantwana asele barhola, ababelethi abarhola umrholo wabadala namkha enye ingeniso, nalabo abaqatjhileko bahlala nomndeni labo abaweli ngaphasi kwamalayisenzi womkhaya kodwana bona bafanele bazibhadalele ilayisensi ye-TV yabo.
Abathengisi bama-TV kumele batjele abathengi bonyana angekhe bathenga i-TV ngaphandle kwelayisensi elibhadaliweko. Abathengi bama-TV bangenza isibawo selayisensi ku-Post Office namkha babawe umthengisi bonyana abakhiphele yona.
Ilayisensi ye-TV ivuselelwa qobe mnyaka.
Amagadango okufanele alandelwe
- Yenza isibawo selayisensi yakho eposweni eseduze nawe namkha kubathengisi abagunyaziweko bonyana banileke ngamalayisensi amatjha
- Thumela okulandelako:
- umazisi
- iforomo lesibawo kunye nembhadela yelayisensi
- isitjengiso se-adresi yalapho uhlala khona noyokuposa kanye neenomboro zokukuthinta.
Amazinga wokusebenza nesikhathi
Kungathatha ama-awara ambalwa.
- R250.00 ngomnyaka
- R70.00 ilayisensi eyehliselwe imali
Iforomo lesibawo selayisensi ye-TV litholakala kubathengisi abasemthethweni.
E-mail: tvlic.info@sabc.co.za
