UmNyango weTjhebiswano nokuSebenza kweenTjhabatjhaba (i-DIRCO) ngokubambisana nama-ofisi wayo wobuzenda angaphetjheya, unikela ngesizo lokulungiselela ukubulunga nangeeyeleliso emndenini lokha umSewula Afrika abhubhele ngaphetjheya.
Isizo lifaka hlangana uku:
- thola imvumo yomNyango wezamaPhilo yokuletha isidumbu nganeno
- hlanganisa umndeni nababulungi abaziwako benarheni lapho umuntu abhubhele khona
- thola isilinganiso seendleko zokuphekelela isidumbunanyana ukusitjhisa namkha ukusibulungela kileyo narha ngokuya ngemvumo yomndeni
- nikela ilwazi ngobujamo benarha nekambiso ethinta umufi. Kufanele kukhunjulwe ukobana unobangela wokuhlongakala unomthelela ekambisweni yokuphathwa kwesehlakalo sokuhlongakala komuntu ziimPhathimandla zenarha leyo.
Nangabe umufi bekanetjhorensi yamakhambo, kufanele uthintane nekhamphani yetjhorensi qangi wenzelele ukuthola bona umufi unenzuzo nakuvele ukufa. Urhulumende weSewula Afrika akanikeli ngesizo lemmali ezakhamuzini zeSewula Afrika ezihlongakalele ngaphetjheya.
Funda ngokunabileko mayelana nesizo elinikelwako lokha uMsewula Afrika ahlongakalele ngaphetjheya. Ungathintana nomjameli weSewula Afrika ngaphetjheya namkha umNyango wezamaPhilo kilenomboro yomtato: 012 395 8000.
