Tlolisela ukuba mthwasisi wokutjhayela

Okuphathelene nokutlolisela ukuba mthwasisi wokutjhayela

Ukuze ube mthwasisi wokutjhayela osemthethweni eSewula Afrika, kufanele uzitlolise nomnyango wezokuthutha wesifunda. Abathwasisi bokutjhayela kufanele babe nesitifikedi esihlathulula igreyidi namkha umhlobo wekoloyi abalungele ukuthwasisa kiwo abasafundako.
Abathwasisi bokutjhayela bahlukaniswe ngokweengaba ezilandelako:

• iGreyidi A – umthwasisi unelungelo lokuthwasisa umuntu ofunda ukutjhayela isithuthi sesinye nesinye isigaba, njengombana umthwasisi lo ane-Code EC  yelayisensi yokutjhayela ikoloyi ekhanjiswa ngeengere begodu anelayisensi yokutjhayela i-Code A
• iGreyidi B – umthwasisi wokutjhayela unelungelo lokuthwasisa umuntu ofundela ukutjhayela isithuthi se-Code B, C1, C, EB, EC1 ne-EC, begodu umthwasisi lo unelayisensi ye-Code EC yokutjhayela ikoloyi ekhanjiswa ngeengere
• iGreyidi C – umthwasisi wokutjhayela unelungelo lokubandula abantu abafuna ilayisensi ye-Code A1, A no-B, umthwasisi lo unelayisensi ye-Code EB yokutjhayela ikoloyi ekhanjiswa ngeengere begodu abe ne-Code A
• iGreyidi D - umthwasisi wokutjhayela unelungelo lokubandula umuntu ofuna ilayisensi yokutjhayela i-Code B, ibe yena umthwasisi unelayisensi i-Code EB yekoloyi ekhanjiswa ngeengere; nanyana
• iGreyidi L – umthwasisi wokutjhayela unelungelo lokubandulela umuntu ofuna ilayisensi yokutjhayela yabafundako yesinye nesinye isigaba sekoloyi.

Uzakuthwasisa kwaphela abantu abafundela ukutjhayela isithuthi sesigaba onemfuneko zaso Isitifikedi somthwasisi silungele ukusebenza unyaka munye tere.

Okufanele ukwenze

1. Vakatjhela iZiko lokuHlungela iLayisensi yokuTjhayela langekhenu uphethe umtlolo wobujamo bakho bepilo (MC) ukwenzelela bona bakutlolisele ihlahlubo.
2. Zalisa iforomo lokutlolisela ukuba mthwasisi wokutjhayela (RI).
3. Uzokuthunyelwa esitetjhini samapholisa ukuthi uyokukhombela  umtlolo wemapholiseni wokuhlambulula umuntu ezenzweni zobulelesi.
4. Ngelanga lokuhlungwa, uzakutlola isihlahlubo. Nange uphumelela, kufanele ubhadele imbadela ebekiweko.
5. IZiko lokuHlungela iLayisensi yokuTjhayela lizokudlulisela isibawo sakho kuSomkhandlu wesifunda bona asiphasise nanyana asiphikise. Nakasiphasisileko, iziko lokuhlungela amalayisensi lizakukhupha umtlolo oyimvumo.

Isikhathi esibekiweko

Umtlolo wemvumo ungatholakala eemvekeni ezisithandathu ukuya kezibunane.

Kubiza malini

Fumana ilwazi mayelana neendleko ezikweni lokutlolisa iinkoloyi elisemthethweni langekhenu.

Amaforomo ekufanele uwazalise

• Iforomo lesibawo sokutlolisa njengomthwasisi wokutjhayela (RI)
• Umtlolo wobuJamo bezePilo  (MC)

 Amaforomo afumaneka ezikweni lokutlolisa iinkoloyi elisemthethweni nanyana ungawakhupha kubunzinzolwazi be-eNatis.

Ungathintana nobani