Imvumo nenomboro yokurhweba ngeenkoloyi

Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani

 

 

Okuphathelene nemvumo nenomboro yokurhweba ngeenkoloyi

Ukuze utjhayele ikoloyi engakatloliswa eendleleni zomphakathi zeSewula Afrika, kufanele uthome ngokwenza isibawo semvumo nenomboro yokurhweba ngeenkoloyi.

Inomboro yokurhweba ngeenkoloyi isetjenziswa bakhiqizi, abakhi beenkoloyi, abamukeli beenkoloyi, abathuthi beenkoloyi, abathengisi beenkoloyi namaziko agalimisa ngemali yokuthenga ikoloyi atlolisileko asebenza   ngeenkoloyi ezingakatlolisi nezinganamalayisensi ezitjhayelwa eendleleni zomphakathi ngonobangela womsebenzi othileko. Imisebenzi leyo ifaka hlangana:

  • Ukuthengisa ikoloyi
  • Ukutjhugulula ubunikazi bekoloyi,
  • Ukulungisa ikoloyi, nanyana
  • Ukwenzela abathengi ifunisiso mayelana nekoloyi ethileko.
Okufanele ukwenze
  1. Vakatjhela iziko lokutlolisa iinkoloyi elisemthethweni uphethe okulandelako:
    • Ikhophi kaMazisi nanyana incwadi eyimvumo yokuba mjameli wekhamphani
    • Isitifikedi  sokutloliswa kwekhamphani nayibe umjameli wekhamphani
    • Imbadela ebekiweko. 
  2. Zalisa iforomo lesibawo seNomboro yokuRhweba ngeenKoloyi  (i-MTN1) ezikweni lokutlolisa iinkoloyi elisemthethweni langekhenu.
  3. Veza ukobana kubayini udinga inomboro yokurhweba  ngeenkoloyi bewutjho nenani leenomboro zokurhweba ozidingako.
Isikhathi esibekiweko

Isibawo sisetjenzwa besiqedwe ngelanga linye.

Kubiza malini

Fumana ilwazi  mayelana neendleko ezikweni lokutlolisa iinkoloyi elisemthethweni langekhenu.

Amaforomo ekufanele uwazalise

Iforomo lesibawo yi-MTN1 (Application and notice i.r.o motor trade number and blank temporary permits [Form MTN1])

Ungathintana nobani

 

Contact the registration authority service centre at your local municipality

Share this page