Ukwamukelwa kwabantu abalupheleko endaweni yokuhlala abantu abalupheleko

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene nemali yokukhulisa umntwana

Nawumumuntu olupheleko odinga ukutlhogonyelwa imini nobusuku nofuna ukuhlala endaweni yabalupheleko, ungenza isibawo e-ofisini eseduze yaboNohlalakuhle nanyana endaweni yokuhlala abantu abalupheleko.

Ukuze ulungele ukwamukelwa kufanele ube:

  • sebujameni bokutlhoga itjhejo ngeenkhathi zoke
  • neminyaka ema-60 nangaphezulu begodu ube mumuntu onganabuyo
  • mSewula Afrika
  •  Mumuntu owamukela imali yesibonelelo sabalupheleko namkha yomhlalaphasi.

Tjheja: Akunamuntu ozakwamukelwa endaweni yabalupheleko ngaphandle kwemvumo yakhe nanyana umbiko wezamaphilo ofakazela kobana umuntu loyo akakaphili kuhle ngokomkhumbulo kobana angazithathela isiqunto bese kukhutjhwa isiqunto sekhotho. Nakubujamo oburhabako umbiko wezamaphilo otlolwe ngusolwazi wezamaphilo otloliswe ngokomthetho uzakwamukeleka lokha nakusajanyelwe isiqunto sekhotho.

Okufanele ukwenze

  1. Nawungaziko bona zikuphi iindawo zokuhlalisa abalupheleko, iya e-ofisini yomNyango wezokuThuthukiswa komPhakathi oseduze nawe,  khona uzakufumana indawo yokuhlalisa abalupheleko eseduze.
  2. Zalisa amaforomo wesibawo bese uwase endaweni yokuhlalisa abalupheleko.
  3. Thumela imitlolo elandelako:
  • Umazisi weSewula Afrika.
  • Umbiko wezamaphilo.

4. Uzakuhlahlutjwa kwenzelelwe ukuqala bona uyakulungela ukwamukelwa nokufumana isibonelelo sesondlo.

5. Nawuluphele khulu nanyana ugula khulu ubhalelwa kufika e-ofisini ukuyokwenza isibawo, khombela ilunga lomndeni nanyana umngani ayokwenzela isibawo.

6. UNohlalakuhle uzakuvakatjhela emzinakho azokuhlola ubujamo ophila ngaphasi kwabo.

7. Lokha isibawo sakho nasingakemukelwa kufuze utjelwe unobangela otlolwe phasi khona uzakwazi ukuzililela kuNgqongqotjhe wezokuThuthukiswa komPhakathi.

Yelela: ukwamukelwa endaweni yokuhlala abalupheleko kulawulwa kufumaneka kombhede.

Isikhathi esibekiweko

Isibawo sakho sizakutjhejwa emalangeni ali-14. Uzakufumana ipendulo yesibawo sakho sendawo yokuhlala emalangeni ama-30.

Kubiza malini

Iindleko azifani.

Amaforomo ekufanele uwazalise

Woke amaforomo ayafumaneka endaweni yokuhlala abalupheleko eseduze nalapha uhlala khona.

 

Share this page