Isibawo serhelebho lesabelo

Okuphathelene
Kumele wenzeni
Isikhathi esibekiweko
Kubiza malini
Amaforomo okumele uwazalise
Ngubani okumele umthinte

 

 

Okuphathelene nomrholo wokurhelebha kokutlhogekako

Uyalithola irhelebho lezehlalakuhle nawungakwazi ukuzitlhogomela? Ungathola umrholo wokungezelela ukuze ukwazi ukubhadala umuntu okutlhogomelako ngasosoke isikhathi.
 
Wazi ngani bonyana uyafaneleka?

Kumele:

  • ube uthola umrholo wokurholophala, umrholo wabomakadebona bepi namkha umrholo wabalupheleko
  • awukwazi ukuzitlhogomela ngesibanga sokurholophala ngokomkhumbulo namkha ngokomzimba, ngalokho-ke utlhoga umuntu ongakutlhogomela
  • awuhlali esikhungweni sombuso esithola umhlinzekelo kurhulumende.  

Uzakuthola malini?

Inani eliphezulu ozalithola  yi-  R500 ngenyanga.

Uzakubhadalwa bunjani?

i-South African Social Security Agency (SASSA) izakubhadala umrholo wakho ngaleziindlela ezilandelako:

  • uyikhetjhi endaweni ebekelwe lokho ngelanga elithileko.
  • uzakufakwa ebhanka yakho, kufaka nebhanka yePosini (ibhanka ingakudosela imali yokukusebenzela)
  • eenkhungweni ezilawula isabelo, (isib. Ihlangano yezehlalakuhle).

Umrholo lowo uzakubhadalwa kunye nerhelebho lezehlalakuhle.

Tjheja: Nawungakghoniko ukuyozithathela imali ngokwakho, ungakhetha umuntu ozokuthathela umrholo wakho.

Umrholo wakho ungabuyekezwa nini?

Umrholo wakho uzakubuyekezwa lapho lelo rhelebho lezehlalakuhle nalibuyekezwako.

Kumele wenzeni

  • Iya ema-ofisini wakwa- South African Social Security Agency (SASSA) aseduze nawe bese uphatha lokhu okulandelako::
    • ube nomazisi oneenomboro ezi-13
    • isitjengiso sobujamo bomtjhado wakho kunye nomazisi womlingani nakukghonekako
    • iripoti yezokwelatjhwa namkha yokuhlolwa (engaphasi kweenyanga ezintathu) efakazela bonyana utlhoga ukutlhogonyelwa ngasosoke isikhathi.

Tjheja: Nangabe uluphele khulu namkha uyagula angekhe ukwazi ukukhamba ngeenthuthi uye ema-ofisini uyokwenza isibawo, umngani namkha isihlobo singakwazi ukukwenzela isibawo. Umuntu loyo kumele aphathe incwadi evela kuwe namkha/begodu nencwadi evela kudorhodere efakazela ukungakghoni kwakho ukukhamba.

  • Zalisa iforomo lesibawo phambi kwesiphathiswa sakwa -SASSA (tjheja ngombana nguwe namkha isiphathiswa sakwa-SASSA abangazalisa iforomo lesibawo). Isiphathiswa leso sizakukhulumisana nawe sikutjele nangabe uyafaneleka ukuthola isabelo leso.
  • Uzakunikelwa iresidi. Ibeke ngombana isitjengiso sokobanyana wenze isibawo.

Kwenzekani isibawo sakho nasingakaphumeleli?

  • Nangabe isibawo sakho asikaphumeleli, i-SASSA izakwazisa ngokukutlolela unobangela owenze isibawo singaphumeleli.
  •  
  • Nawungavumelaniko nesiqunto leso ungathintana noNgqongqotjhe wezokuThuthukiswa komPhakathi ema-ofisini wesitjhaba wezokuThuthukiswa komPhakathi. Ungadlulisa isililo leso emalangeni ama-90 ngemva kokuthola ipendulo yokungaphumeleli kwesibawo sakho.

Isikhathi esibekiweko

  • Kungathatha iinyanga ezintathu ukusebenzana nesibawo sakho.
  • Nangabe isibawo sakho samukelwe, uzakubhadalwa kusukela ngelanga owenza ngalo isibawo.

Kubiza malini

Umsebenzi lo uwenzelwa simahla.

Amaforomo okumele uwazalise

Amaforomo wokwenza isibawo akatholakali ku-inthanethi. Ungawathola ema-ofisini aseduse nawe wevikeleko lomphakathi social security (SASSA).

Ngubani okumele umthinte

South African Social Security Agency (SASSA)

 

 

SASSA Toll free: 0800 60 10 11
Email:  GrantEnquiries@sassa.gov.za  

Share this page