Isizo lezehlalakuhle leentjhabatjhaba

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Mayelana nokwenza isibawo sesizo lezehlalakuhle leentjhabatjhaba

Isizo elihlanganyelwe mamazwe linikelwa abantu abamaphandle abanemiraro yezehlalakuhle ngonobangela wokufuduka kamanye amazwe nanyana ukulahlekelwa yindawo yokuhlala ezweni lekhabo.

UmNyango wezokuThuthukiswa kwezeHlalakuhle unikela isizo lezehlalakuhle elihlanganyelwe mamazwe ngokutjhebisana neHlangano yezeHlalakuhle yeenTjhabatjhaba (i-ISS).

I-ISS iyihlangano yeentjhabatjhaba engasebenzeli ukwenza inzuzo ngokunqophileko etjheja abentwana abatlhagako bamazwe wangaphandle. Isebenza emazweni angaba li-140 ngethungelelwano  lamagatja, abonohlalakuhle, iinhlangano ezibatjhebisani nabathintanisi.

Okufanele ukwenze

  1. Nawumumuntu oliphandle uhlala ngeSewula Afrika:
    • Yenza isibawo e-ofisini kaNohlalakuhle eseduze nawe.
    • Tlola umbiko orhunyeziweko ulandele umhlahlandlela otlanywe yi-ISS. Umbiko orhunyeziweko lo uhlathulula ubujamo nesizo elikhonjelwa elizweni langaphandle.
    • Thumela umbiko opheleleko kumjameli wesifunda we-ISS e-ofisini yomNyango wezokuThuthukiswa komPhakathi.
    • Umjameli wesifunda uzakudlulisela isibawo sakho ku-ISS yeSewula Afrika (i-ISS SA) efumaneka emNyangweni wezokuThuthukiswa komPhakathi wembusweni ophezulu.
  2. Nawusisakhamuzi seSewula Afrika esihlala kamanye amazwe angaphandle komkhawulo wenarha:
    • Yenza isibawo e-Ofisi yomThintanisi we-ISS ezweni elingaphandle ohlala kilo.
    • I-Ofisi leyo izakuthumela isibawo sakho ku-ISS yeSewula Afrika.

Isikhathi esibekiweko

  • UmNyango wesifunda wezokuThuthukiswa komPhakathi uqalana neembawo ezifikela kiwo. Nasele i-ISS SA ifumene umbiko obuya emNyangweni wezokuThuthukiswa komPhakathi, izasidlulisela e-Ofisini yabaThintanisi be-ISS belizwe langaphandle. Ipendulo izakuya ngokobujamo besikhatheso.
  • I-ISS SA nayifumana umbiko welizwe langaphandle idlulisela isibawo kumjameli wekhaya womnyango wesifunda ozakulungisa noNohlalakuhle wangekhaya kobana kuphenywe ngesibawo kukhutjhwe nombiko oya kumnyango wesifunda. Nasele umbiko ufunyenwe, udluliselwa ku-ISS SA nayo iyawuqalisisa iwudlulisele kubadlalindima, bangezelele iintjhukumiso, imibuzo nanyana imininingwana.
  • AboNohlalakuhle  bendawo nebesifunda baqinisekisa ngokunikela isizo lezinga eliphakamileko kunye noNohlalakuhle we-ISS SA oqalene nesibawo. Abasebenzi bombuso balandela ikambiso etlanywe yi-ISS: I-Ofisi kaNobhala Zombelele.

Kubiza malini

Isizweli lifunyanwa simahla ngeSewula Afrika kodwana kamanye amazwe ungafanelwa kubhadelela iinsetjenziswa  ezithile. Amanani ahlukahlukana ngokwamazwe.

Amaforomo ekufanele uwazalise

Akunamaforomo azaliswako.

 

International Social Services of South Africa
Tel 012 312 7790/ 012 312 7591
Fax 012 323 3733
City/town Pretoria
Province Gauteng
Physical address 7th Floor, HSRC Building, 134 Pretorius Street, Pretoria, 0001
Postal address The Director, International Social Services of South Africa, Private Bag X901, 0001
Web address https://www.dsd.gov.za/

 

Share this page