Isibawo sesabelo sabadala

Okuphathelene
Kumele wenzeni
Isikhathi esibekiweko
Kubiza malini
Amaforomo okumele uwazalise
Ngubani okumele umthinte

 

 

Okuphathelene nomrholo wabantu abadala

Ungathola umrholo ozokondla ngesikhathi sewuluphele. Umrholo wabadala ubhadalwa abafazi abaneminyaka ema-60 namkha ngaphezulu namadoda aneminyaka ema-60 nangaphezulu. Isabelo lesi besibizwa kobanyana yipentjheni.

Uzokwazi bunjani bonyana uyafaneleka?

Kumele:

  • ube sisakhamuzi seSewula Afrika namkha ube sisakhamuzi sasafuthi
  • ukuba uhlala eSewula Afrika
  • asikho isabelo semali ositholako njenganje
  • akuba awuhlali endaweni/esikhungweni sombuso
  • awurholi imali engaphezu kuka- R86 280  namkha ube nepahla ebiza imali engaphezu kuka-R 172 560 nangabe awukatjhadi.
  • Nangabe utjhadile, ingeniso yenu ehlangeneko ayingabi ngaphezu kuka - R1 227 600  begodu nobabili nomlinganakho akukameli nibe nepahla ebiza ngaphezu kuka -R2 455 200.

Uzakuthola malini?

Inani eliphezulu ozalithola kuzoba yi- R 2 080 ngenyanga. Abaneminyaka endlula 75 bazothola R2 100.

Uzakubhadalwa bunjani?

i-South African Social Security Agency (SASSA) izakubhadala umrholo wakho ngaleziindlela eziilandelako:

  • uyikhetjhi endaweni ebekelwe lokho ngelanga elithileko
  • uzakufakwa ebhanka yakho, kufaka nebhanka yePosini (ibhanka ingakudosela imali yokukusebenzela)
  • eenkhungweni (isib. Amakhaya wabantu abadala).

Tjheja: Nawungakghoniko ukuyozithathela imali ngokwakho, ungakhetha umuntu ozokuthathela imali leyo.

Umrholo wakho ungabuyekezwa nini?

I-SASSA izithathela isiqunto sokobanyana sibuyekeza nini umrholo wakho. Ingeniso yakho nawuthoma ukwenza isibawo somrholo ngiyo ezakuba sisekelo sokubuyekeza. Uzakwaziswa eenyangeni ezintathu lapho isibuyekezo sizokwenziwa ngaso namkha ilanga lokuphela kwesitifiketi. Nawuthola imali yakho ebhankeni, esikhungweni namkha uthathelwa ngomunye kumele uzalise isitifiketi sokobana usaphila ema-ofisini wakwa-SASSA qobe mnyaka.

Umrholo wakho uzakujanyiswa nini?

Lokhu okulandelako kungenza umrholo wakho ujanyiswe:

  • ubujamo bakho nabungatjhuguluka
  • imiphumela yokubuyekezwa kwaso
  • nawungabambisaniko nakubuyekezwa umrholo wakho
  • nawukhwabanisako namkha ungaziphathi kuhle
  • nangabe kube nobutjhapha nawunikelwa umrholo lowo kokuthoma

Umrholo wakho ungaqintelwa phakathi nesikhathi?

Umrholo ungaqintelwa nawu:

  • hlongakalako
  • nawuhlala esikhungweni sombuso
  • nangabe awuthathi imali yakho iinyanga ezintathu ezilandelanako
  • nawungaphandle kwenarha.

Nangabe ungumemukeli uthathwa esikhungweni esinekontraga nombuso ukuze atlhogonyelwe khona, isabelo sakhe sizokwehliswa ngamaphesente ama-25 (R270) yenani lemali yesabelo sokutlhogomela kusukela enyangeni yesine ngemva kokuthathwa kwakhe esikhungweni leso. Isabelo esiphunguliweko singabuyiselwa ekanyeni kusukela ngelanga lelo umemukeli aphuma esikhungweni leso.

Old Age Grant booklet

Kumele wenzeni

  • Iya ema-ofisini wakwa- South African Social Security Agency (SASSA) aseduze nawe bese uphatha lokhu okulandelako:
    • Ube nomazisi oneenomboro ezi-13, onomtlolofihlo nangabe awunaye umazisi:
      • kumele uzalise i-avidavidi eforomeni elisezingeni lakwa-SASSA phambi koKomtjhinara wokuFungisa ongasisisebenzi sakwa-SASSA.
      • kumele ulethe isitatimende esifungelweko esisayinwe mumuntu osesikhundleni (njengekhansela, umrholi wendabuko, isisebenzi sezehlalakuhle, umfundisi namkha uphrinsipali wesikolo) ozakwazi ukufakazela igama kunye neminyaka yakho
      • isiphathiswa sakwa- SASSA sizakuthatha imigadangiso yemino yakho. Uzakuthunyelwa kumnyango wezeKhaya ukuyokwenza isibawo sikamazisi nanyana isibawo sakho sesidlulisiwe. Nangabe awutholi umazisi wakho, umrholo wakho uzakujanyiswa.
    • isitjengiso sobujamo bomtjhado (nakukghonakalako)
    • isitjengiso sokuba sisakhamuzi
    • isitjengiso somrholo, izahlukaniso (nazikhona)
    • isitjengiso seempahla, kufaka hlangana ubungako bepahla yakho onayo
    • isitjengiso sepentjheni yangeqadi (nangabe ikhona)
    • isitatimende sebhanka seenyanga ezintathu
    • Nangabe bewuqatjhiwe, incwadi ehlaza, yesiKhwama seTjhorensi yokungaSebenzi (Unemployment Insurance Fund (UIF) namkha isitifiketi esivela kumqatjhi esibufakazi bokuphuma emsebenzini
    • Ikhophi yencwadi yelifa kunye ne-akhawundi yokuthoma neyamaswaphela yokubhadala iinkwelede kunye nokwaba, nangabe umlingani wakho uhlongakele eminyakeni emihlanu edlulileko.

Tjheja: Nangabe uluphele khulu namkha uyagula angekhe ukwazi ukukhamba ngeenthuthi uye ema-ofisini uyokwenza isibawo, umngani namkha isihlobo singakwazi ukukwenzela isibawo. Umuntu loyo kumele aphathe incwadi evela kuwe namkha/begodu nencwadi evela kudorhodere efakazela ukungakghoni kwakho ukukhamba.

  • Zalisa iforomo lesibawo phambi kwesiphathiswa sakwa -SASSA (tjheja ngombana nguwe namkha isiphathiswa se SASSA abangazalisa iforomo lesibawo). Isiphathiswa sizakukhulumisana nawe sikutjele bonyana uyafaneleka namkha awa ukuthola umrholo lowo.
  • Uzakunikelwa iresidi. Ibeke ngombana isitjengiso sokobanyana wenze isibawo.

Kwenzekani isibawo sakho nasingakaphumeleli?

Nangabe isibawo sakho asikaphumeleli, i-SASSA izakwazisa ngokukutlolela unobangela owenze isibawo singaphumeleli.

Nawungavumelaniko nesiqunto leso ungathintana noNgqongqotjhe wezokuThuthukiswa komPhakathi ema-ofisini wesitjhaba wezokuThuthukiswa komPhakathi. Ungadlulisa isililo leso emalangeni ama-90 ngemva kokuthola ipendulo yokungaphumeleli kwesibawo sakho.

Isikhathi esibekiweko

  • Kungathatha iinyanga ezintathu ukusebenzana nesibawo sakho.
  • Nangabe isibawo sakho samukelwe, uzakubhadalwa kusukela ngelanga owenza ngalo isibawo.

Kubiza malini

Umsebenzi lo uwenzelwa simahla.

Amaforomo okumele uwazalise

Amaforomo wokwenza isibawo akatholakali ku-inthanethi. Ungawathola ema-ofisini aseduse nawe wevikeleko lomphakathi social security (SASSA).

Ngubani okumele umthinte

 

SASSA Toll free: 0800 60 10 11
Email:  GrantEnquiries@sassa.gov.za  

Share this page