Ukubumba iHlangano yokuVikela umLilo

Mayelana nokubumba iHlangano yokuVikela umLilo

Ungabumba iHlangano yokuVikela umLilo (i-FPA) ukubonela phambili, ukukhandela, ukulawula kanye nokucima imililo yommango  endawenakho nangabe:

• umnikazi wendawo
• umqatjhi
• umPhathi  oPhezulu wesiphathiswa sendawo
• ukhethwe ukobana alawule indawo yombuso (kufakwe hlangana indawo yamaSotja weliZwe weSewula Afrika)
• ukulawula inarha ngaphasi kwemilayo yeKhotho ePhakemeko.

Kufanele uhlale endaweni:

• eba nemililo eminengi  nanyana
• eba sengozini yemililo yommango nanyana 
• Enamahlathi nanyana iimila.

Angeze wakghona ukubumba ihlangano uwedwa. Kufanele nibe siqhema sabantu abawela ngaphakathi kwekambiso evezwa ngehla, esihlala endaweni eyodwa.

Imisebenzakho njengeHlangano eVikela umLilo kuzakuba:

• kuthuthukisa nokusebenzisa amaqhinga wokuphatha imililo yommango endawenakho
• kuqala ubujamo bemvelo obungabangela umlilo
• amahlandla amanengi ukhulume  ngeenlinganiso zengozi yomlilo kumalunga endawenakho
• kuhlela nokubandula amalunga endawenakho mayelana nokulwa, ukuphatha kanye nokukhandela umlilo
• kunikela uNgqongqotjhe wezeLimo, amaHlathi kanye neenHlambi (i-DAFF) iimbalobalo ezimayelana nemililo yommango endawenakho
• kunikela ilwazi elikhonjelwa nguNgqongqotjhe mayelana nokukhandela imililo yommango

Okufanele ukwenze

1. Biza umhlangano nalabo bantu  abakufaneleko abanekareko
2. Nangabe ukhona umsebenzi oqalene nomlilo, kufanele unikele inothisi etlolwe phasi kuhlangano leyo ofuna ukuyibumba okungenye eyihlangano yokuvikela umlilo bese umema isiPhathiswa sabo esiPhezulu ukobana sikhambele umhlangano.

   Tlola amaminidi womhlangano, azakuveza lokhu:

   • Ukobana iye nanyana awa kube khona isekelo elibumbeneko mayelana nokubumba ihlangano yokuvikela umlilo
   • Inani lamavowudu  akhambisana nokubumba ihlangano
   • Inani lamavowudu elingakhambisaniko nokubunjwa kwehlangano; begodu
   • Inani labantu abagodle amavowudwabo mayelana nokubumba ihlangano.
3. Tlola bewutlikitle isivumelwano esitlolwe phasi esitjhoko bona uyingcenye yehlangano
4. Khetha usihlalo nesigungu sekomidi
5. Nikela ibizo lehlangano mayelana nokuvikela umlilo kanye nehlathululo yendawakho
6. Iba nerejista yabakhambele umhlanganio kanye nemininingwana abangathintwa kiyo kufakwe hlangana iimphande zeemposo zabo boke abantu
7. Khupha bese uthumela iForomo 1 ngaphasi kwamaforomo ukobana ulizalise, mayelana nokuphunyeleliswa yi-DAFF.
8. Nangabe i-DAFF iphumelelisa isibawo sakho,  yeke kufanele ukhuphe bewuthumele iforomo 2 bese ufaka lokhu okulandelako:

• amaminidi womhlangano
• umthethosisekelo we-FPA begodu
• Nomtlamo webhizinisi we-FPA, ofaka hlangana amaqhinga wokuphatha imililo yommango kanye nemithetho.

Isikhathi esibekiweko

Asikho isikhathi esibekwako

Kubiza malini

Umsebenzi usimahla

Amaforomo ekufanele uwazalise

• Forms are available from the Department of Forestry, Fisheries and the Environment

Ungathintana nobani