Isibawo sokutlolisa ikhaya labadala

Okuphathelene nokutlolisa indawo yokuhlala yabalupheleko

Nangabe ufuna ukutlolisa indawo yokuhlala abalupheleko uwedwa namkha niyihlangano, kumele wenze isibawo sakho ema-ofisini womNyango wezokuThuthukiswa komPhakathi.

Okufanele ukwenze

• Iya ema-ofisini womNyango. wezokuThuthukiswa komPhakathi aseduze nawe.
• Zalisa iforomo lokwenza isibawo (foromo 9).
• Nawuletha iforomo lakho uzakunikelwa incwadi efakazela bonyana wenze isibawo. 
• Umsebenzi wezehlalakuhle uzakumema abadlalindima abanye kunye neemphathiswa zokwelapha ukuhlolisisa indawo leyo ezokwenziwa ikhaya labalupheleko. 
• Ngemva kwevakatjho labadlalindima lokuhlola, iripoti yokutholakeleko izakusiwa ema-ofisini womNyango wezokuThuthukiswa komPhakathi lapho isibawo senu sizakwamukelwa ngokwemibandela namkha saliwe khona.  
• Nangabe awuvumelani nesiqunto leso, kumele udlulisele isinghonghoyilo sakho kuNgqongqotjhe wezokuThuthukiswa komPhakathi emalangeni ama-90 uthole ipendulo.

Isikhathi esibekiweko

Kungathatha iimveke ezine ukusebenzana nesibawo sakho.

Kubiza malini

Isibawo senziwa simahla kodwana uzakubhadala isitifiketi njengesitifiketi sepilo yezebhoduluko.

Amaforomo ekufanele uwazalise

Amaforomo weembawo atholakala ema-ofisini wezokuThuthukiswa komPhakathi.

Ungathintana nobani