Ukurejistara iKhamphani engenzi inzuzo

Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani

 

 

Okuphathelene mayelana nokurejistara ikhamphani engenzi inzuzo

Mayelana nehlanganwakho yomphakathi ukobana ithathwe njengesemthethweni, kufanele uyireistare njengekhamphani engenzi inzuzo (I-NPC) namaKhamphani kanye neKomitjhini yalokho okusungulileko (I-CIPC).

Ama-NCP aziinhlangano ezizijameleko ezenzelwe ukusiza abantu, ukuvikela ibhoduluko nanyana ukuletha izinto ezihle. Zingafaka amasondo, iinhlangano ezizwela  abantu  kanye neenhlangano zamasiko.  Umnqopho oqakathekileko we-NCP kukwenza bona umphakathi uzuze, ingasi ukwenza inzuzo.   
Ingeniso mali kanye nepahla angeze zabelwa abahlanganisi, amalunga, abanqophisi nanyana iimphathiswa zekhamphani engenzi inzuzo, ngaphandle kwembhadelo ezwisisekako mayelana nemisebenzi abayenzako. Yoke ipahla yeenhlangano ezingenzi inzuzo kanye nengeniso mali kufanele kusetjenziselwe ukuphumelelisa iminqopho yombuso, njengombana ivezwe kuhle ku- Memorandum of Incorporation (MOI).

Ubuncani babahlanganisi abathathu kufanele bazalise bese batlikitla i-MOI. Ubuncani babanqophisi abathathu kufanele bakhethwe.

Amakhamphani angenzi inzuzo kufanele ngaso soke isikhathi  abe okungasenani nomnqophisi munye (ngaphandle kwalokha nangabe i-MOI ithe kune nenani eliphezulu labanqophisi). Ukukhethwa kwe-oditha kanye nonobhala wekhamphani akukatelelwa mthetho kodwana kungokuthanda
Ungarejistara iKhamphani engenzi inzuzo njenge:

  • Izinga leKhamphani engenzi inzuzo (enamalunga)
  • Izinga leKhamphani engenzi inzuzo (enganamalunga) 
  • IKhamphani engenzi inzuzo enamatjhuguluko (enamalunga), 
  • IKhamphani engenzi inzuzo enamatjhuguluko (enganamalunga).

Ibizo leKhamphani engenzi inzuzo lizakugcina nge- “NPC”.

Okufanele ukwenze

  1. Rejistara kukhomphyutha (online) njengekhastama eline- CIPC  ukuze ukghone ukuphatha ne-CIPC nanyana  urejistare ngekhastama elikhona  isib. Bawa  umphathakho weencwadi zeemali ukobana akurejistare.
  2. Jamiselela ibizo lekhamphani ngokuzalisa iforomo  leisiBawo sokuJamiselela iBizo, iForomo i- CoR 9.1. Ibizo elithi  ukubhuga lisemthethweni iinyanga ezisithandathu.
  3. Ubhadele imali yokuzalisa  engange-R75 lokha nawuthumela ngokuzilethela nanyana imali engange- R50 nangabe uzalisa ngokwe-elekthroniki.    
  4. Thumela imitlolo elandelako esekelako le kanye nesibawo sakho
    • Amakhophi wephasipoti aqinisiweko (nangabe uliphandle) nanyana umtlolo kamazisi oqinisiweko  amakhophi we-(ID) (nangabe umSewula Afrika)  wabo boke abanqophisi bamambala  abaveziweko kanye nabahlanganisi 
    • Ikhophi ye-ID eqinisiweko yomfakisibawo  nangabe isibawo asikenziwa ngomunye wabanqophisi bamambala  abaveziweko nanyana nabahlanganisi  abosomabhizinisi
    • Nangabe usomabhizinisi  umumuntu ogunyaziweko  ngokomthetho,  yeke amandla wokuthatha iinqunto ngokomthetho  mayelana nomjameli ogunyaziweko okwenziwa ngiloyo onegunya ngokomthetho ukobana ahlanganise ikhamphani bese utlikitla yoke imitlolo ekhambisana nalokho. 
    • nangabe omunye umuntu uhlanganisa ikhamphani begodu atlikitle yoke imitlolo ekhambisana nalokho ngokujamela omunye nanyana boke abosomabhizinisi kanye nabanqophisi  bamambala, ilungelo lokuthatha iinqunto begodu nekhophi eqinisiweko ye-ID yomuntu loyo iyafuneka. 
    • Nangabe ibizo belijanyiselelwe  ngaphambi kokufayila imitlolo yebhizinisi, yeke umtlolo wokujamiselela ibizo osemthethweni.
  5. Nangabe urejistara izinga leKhamphani engenzi inzuzo (enganamalunga) , thumela lokhu okulandelako
    • I-CoR15.1C   
    • I-CoR14.1 
    • Imitlolo esekelako
    • Imitlolo elandelako ingazaliswa ne-CoR15.1C
      • I-CoR14.1 Isingezelelo A        
      • I-CoR14.1 Isingezelelo B nangabe  ibizo okufanele libhugwe kubhizinisi  
  6. Nangabe i-oditha, amalunga wekomidi yoku-oditha begodu/nanyana unobhala wekhamphani okhethiweko nangabe urejistara iKhamphani engenzi inzuzo etjhugulukako (enganamalunga) , thumela lokhu okulandelako :
    • I-CoR15.1D 
    • I-CoR 14.1 
    • Imitlolo esekelako
    • Imitlolo elandelako ingazaliswa ne- CoR15.1D:
      • I-CoR14.1 Isingezelelo A 
      • I-CoR14.1 Isingezelelo B  nangabe  ibizo okufanele libhugwe kubhizinisi  
      • I-CoR14.1 Isingezelelo C  nangabe kuyi-ring fencing
      • I-CoR14.1 Isingezelelo D nangabe i-oditha, amalunga wekomidi yoku-oditha begodu/ nanyana unobhala wekhamphani uyakhethwa
  7. Nangabe urejistara iKhamphani engenzi inzuzo etjhugulukako (enamalunga) , thumela lokhu okulandelako :
    • I-CoR15.1E 
    • I-CoR 14.1 
    • Imitlolo esekelako
    • Imitlolo elandelako ingazaliswa ne- CoR15.1E:
      • I-CoR14.1 Isingezelelo A 
      • I-CoR14.1 Isingezelelo B  nangabe  ibizo okufanele libhugwe kubhizinisi  
      • I-CoR14.1 Isingezelelo C  nangabe kuyi-ring fencing
      • I-CoR14.1 Isingezelelo D nangabe i-oditha, amalunga wekomidi yoku-oditha
  8. Nangabe urejistara iKhamphani engenzi inzuzo etjhugulukako (enganamalunga) , thumela lokhu okulandelako :
    • I-CoR15.1E 
    • I-CoR 14.1 
    • Imitlolo esekelako
    • Imitlolo elandelako ingazaliswa ne- CoR15.1E:
      • I-CoR14.1 Isingezelelo A 
      • I-CoR14.1 Isingezelelo B  nangabe  ibizo okufanele libhugwe kubhizinisi  
      • I-CoR14.1 Isingezelelo C  nangabe kuyi-ring fencing
      • I-CoR14.1 Isingezelelo D nangabe i-oditha, amalunga wekomidi yoku-oditha   

Tjheja: Ungarejistara ikhamphani ngaphandle kwebizo elithi ukubhuga. Inomboro yokurejistara iba libizo lekhamphani kubhizinisi, bekufike isikhathi lapha lapha ibizo elifaneleko libekwa/liphunyeleliswa.

Isikhathi esibekiweko

  • Kuthatha hlangana namalanga amahlanu ukuya kwalitjhumi ukubhuga ibizo mayelana nekhamphani.
  • Kungathatha amalanga amahlanu ukuya kwalitjhumi ukurejistara iKhamphani engenzi inzuzo

Kubiza malini

  • R175 - IMemorandum of Incorporation (kulawulwe kukwehliswa okuvunyelweko)  mayelana nezinga lekhamphani engenzi inzuzo (i-CoR 15.1C).  
  • R475 - iMemorandum of Incorporation (kulawulwe kukwehliswa okuvunyelweko) mayelana nekhamphani engenzi inzuzo etjhugulukako enamalunga (i-CoR 15.1D)  nanyana enganamalunga (i-CoR 15.1E).  
  • R50 mayelana nokubhuga  ngokwe-ilekhthroniki
  • R75 mayelana nokuzalisa ukubhugwa kwebizo ngesandla

Amaforomo ekufanele uwazalise

Amaforomo weembawo atholakala ema-ofisini Companies and Intellectual Property Commission / http://www.cipc.co.za.

Ungathintana nobani

 

Tel: 086 100 2472
Physical address: 77 Meintjies Street, Block F, Sunnyside, Pretoria, 0001
Postal address: Companies and Intellectual Property Commission, P.O. Box 429, Pretoria, 0001

Offices with self-service terminals

Share this page