Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlelo lokwAbiwa Butjha kweNarha ngomnqopho wokuThuthukisa zokuLima (i-LRAD) lenzelwe ukurhelebha izakhamuzi ebezidinywe amathuba ngaphambilini ezibuya emiphakathini yabaNzima, amaKhaladi namaNdiya ukuthenga inarha namkha iinsetjenziswa zokulima khulu khulu ngomnqopho wokulima.
Nawuzakufaneleka kufanele
- ube lilunga lesiqhema ebesidinywe amathuba ngaphambilini (okutjho umuntu oNzima, iKhaladi namkha iNdiya)
- ube nemiyaka eli-18 ubudala namkha ngaphezulu
- uhlose ukusebenzisela inarha iminqopho yezokulima kuphela
- uhlose ukulima ngokuzeleko ngaphakathi kwezakhiwo zombuso
- ungabi nesikhundla ezakhiweni zombuso
- uzimisele ukuzibandakanya ehlelweni lebandulo ngemva kobana ufumane inarha
- ube sebujameni bokufaka isandla
- ube yihlangano ehleliweko nayikuthi nenza isibawo nisiqhema
- nibe ne-akhawunti yebhanka.
Abalimi abaphumelelako abafisa ukukhulisa ukusebenza kwabo bangenza iimbawo zezabelo zokuragela phambili kodwana isamba sezabelo ze-LRAD embawini munye angeze sadlula i-R100 000. Enye imali yokusikimisa ukuthoma namkha ukukhulisa iphrojekthi yokulima kufanele ifunyanwe ebhanka.
Isabelo se-LRAD akutlhogeki bona sibhadelwe ebhanka njengemali ebolekiweko. Kusetjenziswa ifomula ukuqunta bona umuntu uzakufumana imali engangani. Nawuzakufaneleka sisabelo se-R20 000, kuzakufanela ufake imali engange-R5 000. Ukufaka isandla akutlhogeki bona kube yikhetjhe – kungaba mhlobo weensetjenziswa zokulima, ifuyo kanye nenye ipahla yokulima. Abasebenzi ongabasebenzisa kilephrojekthi babalwa njengokufaka isandla okusisekelo.
Amagadango okufanele alandelwe
- Funa inarha ofisa ukuyithenga. Nakungasinjalo, kungenzeka kube sele unokufikelela inarha, efana nenarha ekabelwana ngayo.
- Thintana nomNyango weeNdaba zeNarha namkha isiphathiswa sakho sokukhuliswa kwezelimo ukwenza isibawo sesabelo.
Letha okulandelako nesibawo sakho:
- Isihlongozo sokusetjenziswa kwenarha namkha iqhinga leplasi (Isihlongozo sephrojekthi).
- Ukukhetha kokuthengisa ngentengo okuvunyelwene ngayo, nayikuthi uqatjhisa ngomnqopho wokuthenga
- Irhemo lamalunga adumileko namkha amalunga wesiqhema, nayikuthi isihlongozo ngesesiqhema
- Isiqinisekiso sokobana ithayithili yenarha icacile, ayinamibango yenarha, itloliswe egameni lomthengisi begodu intengo okukhulunyisenwe ngayo ayisingaphezulu kwenani elilinganisiweko lemakethe
- Ubufakazi bokobana imali esaleleko iyatholakala (iimali zakho namkha isivumelwano sokubolekwa imali ebujameni oburhabako)
- Umbiko wokulinganiswa
Amazinga wokusebenza nesikhathi
Ikambiso izakuthatha ubuncani beenyanga ezine kodwana nayikuthi amaphrojekthi ararene ingathatha isikhathi eside.
Ubuncani bemali engange-R20 000 izakufuna ubuncani bemali engafakwa nguwe (imali namkha isihle) engange-R5 000. Ubuncani bemali engange-R100 000 buzakufuna ubunengi bemali engafakwa nguwe engange-R400 000. Phakathi kwemali ebuncani nebunengi, kunokuragela phambili kwamanani wezabelo, kuye ngokufaka isandla kodlala indima.
Amaforomo awatholakali ku-inthanethi. Sibawa uthintane ne-ofisi lomnyango eliseduze nawe.
