I-Ofisi yokuTloliswa kwePahla iqalene nokutlolisa, ukuphathwa nokutjhejwa kokutloliswa kwepahla yeSewula Afrika. Libulunga namakhophi wamakontraka wemitjhado.
Ungafumana ilwazi e-ofisini yokutloliswa kwepahla mayelana nokulandelako :
- Umninipahla otlolisiweko
- Imibandela ethintana nepahla leyo
- Isiqunto sekhotho namakontraka mayelana nepahla leyo
- Intengo yepahla leyo
- Imithetho yeskimu sobunikazi bengcenye yenarha ehlanganyelweko
- Ikhophi yekontraka yomtjhado (i-ANC), incwadi yelungelo lobunikazi, izindlu nofana inarha ebhadelwa ngesekelo lebhanga, njll.
- Ikhophi yeplani yengcenye yobunikazi namkha imithetho yeNgcenye yeNarha
Ngaphambi kokobana ufumane ilwazi, kufanele ube nokulandelako:
- Amagama apheleleko nanyana inomboro kamazisi yomnikazi wepahla nanyana ilanga lakhe lamabeletho, nengcenye kuyafuneka. (lokha nakumumuntu onekhamphani yangokomthetho, igama nenomboro yokutloliswa nayikhona, iyafuneka).
- Inomboro yamambala yesiza nedorobho nanyana iplasi , ingasi isiphande somuzi. (ehlelweni leskimu sengcenye yendawo, ibizo leskimu).
Ukufumana ikhophi yencwadi yobunikazi nanyana umtlolo we-ofisi yokutloliswa kwepahla, kufanele
- Uye kenye nenye i-ofisi yokutloliswa kwepahla (kungenzeka ama-ofisi wokutloliswa kwepahla anganikeli ngelwazi nalikhonjelwa ngomtato nanyana ngencwadi )
- Uya ezikeni lokunikela ngelwazi lapho iinkhulu zizakusiza ukuzalisa iforomo elifaneleko bakuhlathululele nekambiso
- Ukhombele bona indawo leyo isetjhwe begodu,
- Ubhadele imali efunekako e-ofisini yemali. Inomboro yeresidi izakufakwa kukhophi yakho yencwadi yobunikazi.
Ilwazi lingafumaneka godu nge-inthanethi kubuNzinzolwazi bokuTloliswa kwePahla.
Ukufumana ilwazi elingezelelweko mayelana nokutloliswa kwepahla dosela ku: 0800 007 095 nanyana uye e-Ofisini yokuTloliswa kwePahla eseduze nawe.
