Ukurejistara itshwayo lakho kumaKhamphani kanye neKomitjhini yePahla yokuHlakanipha kakho (i-CIPC), ukwenza bona labo ophalisana nabo ukobana balisebenzise. I-CIPC ilawula ukuRejistarwa kweTshwayo lakho leRhwebo, okulirekhodi elisemthethweni lawo woke amatshwayo wamarhwebo afake iimbawo ngoksemthethweni begodu/nanyana arejistarwe eRiphabliki yeSewula Afrika, soloko kwangomnyaka ka-1916.
iimbawo zingafakwa ematlasini ama-45 ahlukeneko, kulawulwe yipahla begodu/nanyanamisebenzi leyo itshwayo lerhwebo elizokusetjenziswa kiyo. Imininingwana yekambiso yokuhlela yeenarha zangaphandle, ikambiso ebizwa bona yi-the Nice Classification System, ingatholakala kuwebhusayidi yehlangano i-World Intellectual Property Organisation's website. Itshwayo elirejistariweko lingavikelwa unomphela, kwaphela nangabe uvuselela ukurejistara ngasosoke isikhathi qobe minyaka elitjhumi.
Tholisisa okunengi mayelana nokurejistara itshwayo lerhwebo lakho kumaKhamphani kanye neKomitjhini yePahla yokuHlakanipha kakho (i-CIPC), nanyana thintana ne-CIPC kilenomboro 086 100 2472.
