Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokungenisa amakhemikhali ngenarheni
Nangabe ufuna ukungenisa ngenarheni amanye wamakhemikhali, ufanele uthole imvumo evela kuKhomitjhana yokuLawula ukuThengiselana yeenTjhabatjhaba (International Trade Administration Commission) i-ITAC. I-ITAC izakuthatha isiqunto sokobanyana ingabe lokho kuzokurhelebha emphakathini na.
Amakhemikhali alawulwa ngokukhambisana nemibandela ye- Montreal Protocol kanye nokukhukhuthiswa kweendakamizwa kuka- 1988 United Nations Convention Against Illicit Traffic in Narcotic Drugs and Psychotropic substances). Lokhu kumizamo yeentjhabatjhaba yokukhandela ilarha ye-ozoni nokulwa nokukhiqizwa kweendakamizwa nokusebenza ngazo.
Nasewenza isibawo sokungenisa ngenarheni kwalamakhemikhali, kumele uthole incwadi yesiphakamiso emapholiseni we Sewula Afrika i-SAPS namkha evela kumNyango wezoBhoduluko.
Okufanele ukwenze
- Zalisa amaforomo wesibawo alandelako:
- Application for Permit to Import Chemicals, IE464 (Isibawo sokungeniswa ngenarheni kwamakhemikhali IE464)
- Application for Permit to Import Chemicals Annexure (Isilungelelo se- IE464 isibawo sokungenisa ngenarheni kwamakhemikhali)
- Kumele ulethe okulandelako:
- ikhophi yesitifiketi somthelo
- ikhophi eqinisekisiweko kamazisi nangabe awukhaphathi isitifiketi somthelo
- isiphakamiso esivela kwa-SAPS nangabe makhemikhali arheliswe ngokwe- 1988 Convention Against Illicit Traffic in Narcotic Drugs and Psychotropic substances nakumele angeniswe ngenarheni
- isiphakamiso esivela kumNyango wezeBhodulo nangabe amakhemikhali arheliswe ku- Montreal Protocol.
Isikhathi esibekiweko
Kungathatha amalanga amathathu ukusebenzana nesibawo sakho.
Kubiza malini
I-ITAC ayikubhadelisi iimali zokukusebenzela kodwana wena kufanele ubhadele umthelo wepahla engeniswa ngenarheni kwa-SARS. Umthelo wepahla engeniswa ngenarheni ubalwa njengephesente lenani lepahla (elibekwe kumatjhejuli we-Customs and Excise Act). Nawufuna ilwazi elinabileko ngomthelo wepahla wakwa-SARS vakatjhela iwebhsayithi ye-SARS.
Amaforomo ekufanele uwazalise
- Application for Permit to Import Chemicals, IE464 (Isibawo sokungeniswa ngenarheni kwamakhemikhali IE464)
- Application for Permit to Import Chemicals Annexure (Isilungelelo se- IE464 isibawo sokungenisa ngenarheni kwamakhemikhali)
Ungathintana nobani
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za
