Isibawo sokuletha ngenarheni ipahla ezokusetjenziswa nguwe

Okuphathelene 

Okufanele ukwenze

Isikhathi esibekiweko 

Kubiza malini

Amaforomo ekufanele uwazalise

Ungathintana nobani

Okuphathelene nesibawo sokungenisa ipahla engeyakho ngenarheni

Nangabe ufuna ukungenisa ipahla elawulwako namkha esetjenzisiweko eSewula Afrika, kumele uthole imvumo kuKhomitjhana wokuLawula ukuThengiselana kweeNtjhabatjhaba (International Trade Administration Commission) i-ITAC. I-ITAC izakuthatha isiqunto sokobana iimpahla namkha imikhiqizo leyo ingangeniswa.

Irhelo leempahla ekumele zilandele amagadango wokulawulwa kwepahla engenako nephumako ngenarheni ungalitho ku-www.itac.org.za. Nangabe uthumela imininingwana yakho yokuthintana, irhelo lelo lingathunyelwa kuwe ngokuposwa, ngokufekswa namkha nge-imeyili.

Okufanele ukwenze

1. Iya kwa-SARS utlolise njengomngenisi wephahla ngenarheni.
2. Iya kwa-ITAC namkha ukhiphe amaforomo wokwenza isibawo.
3. Yisa isibawo sakho kanye nekhophi eqinisekisiweko kamazisi namkha ipasipoti yeSewula Afrika esemthethweni kwa-ITAC.

Isikhathi esibekiweko

Kungathatha amalanga amathathu ukusebenzana nesibawo sakho.

Kubiza malini

I-ITAC ayikubhadelisi iimali zokukusebenzela kodwana wena kufanele ubhadele umthelo wepahla engeniswa ngenarheni kwa-SARS. Umthelo wepahla engeniswa ngenarheni ubalwa njengephesente lenani lepahla (elibekwe kumatjhejuli we-Customs and Excise Act). Nawufuna ilwazi elinabileko ngomthelo wepahla wakwa-SARS vakatjhela iwebhsayithi ye-SARS.

Amaforomo ekufanele uwazalise

• Application to import goods for personal use, IE 463  (Zalisa iforomo lesibawo somnqopho wokungenisa izinto zakho IE 463)
• Annexure to IE 463 application to import goods for personal use (Isilungelelo ku-463 isibawo sokungenisa iimpahla) okungezakho.

Ungathintana nobani