Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokuletha eSewula Afrika iinlwana nemikhiqizo yeenlwana
Nayikuthi ufuna ukuletha ngenarheni iinlwana eziphilako, imikhiqizo yeenlwana, izinto ezithathelwanako namkha ezithelelanako ngaphakathi kweRiphabhligi yeSewula Afrika, umthetho ufuna bona wenze isibawo bewufumane imvumo yokuletha ngenarheni iinlwana kumNqophisi wezokuPhila kuhle yeenLwana. Kufuze ufumane imvumo ngaphambi kobana isilwana namkha umkhiqizo ungathunyelwa ukusuka enarheni ewuthumelako.
Nayikuthi uletha ngenarheni iinlwana eziphilako ezifana neenkomo, izimvu, iimbuzi, iimpere, iimfarigi, iinciliba, iinkukhu (ingasi abokatsu nezinja) namkha izinto zefuzo zaleziinlwana, kufuze ufumane isigunyazo esibuya ku-Registrar of Animal Improvement ngaphambi kobana imvumo yokuletha ngenarheni iinlwana ingakhutjhwa. Nawunemibuzo mayelana nesigunyaziso sokuthuthukiswa kweenlwana dosela umtato ku-012 319 7434 namkha 012 319 7424.
Kunemithetho elandelwako nakulethwa ngenarheni iinlwana nemikhiqizo yeenlwana. Iimfuneko zamaphilo zitjhugutjhuguluka njalo, sibawa uthinte iYunidi yokuThumela Ngaphandle nokuLetha Ngenarheni yobuNqophisi bokuPhila kuhle kweenLwana (Import Export Policy Unit ye-Directorate Animal Health) kufeksi ethi-012 329 6892 ukufumana iimfuneko zamuva nje. Kungaba neminye imithetho esebenza emikhiqizweni ethileko begodu kufuze uqinisekise bona uhlangabezana nazo zoke iimfuneko zomthetho.
Okufanele ukwenze
- Zalisa iforomo lesibawo ellandelako:
- I-Application to import animals or animal products into the RSA (eliya ngekwarantini).
- I-Application to import animals or animal products into the RSA (eliya ngekwarantini).
- I-Application to import animals or animal products into the RSA (eliya ngekwarantini).
- Thintana ne-Directorate Animal Health nayikuthi awunaso isiqiniseko sokobana uzalisa liphi iforomo.
- Kufuze ubhadele nawuzakufumana imvumo yokuletha ngenarheni iinlwana (Ibuyekezwa njalo ngonyaka begodu ivezwa kuGazede yomBuso).
- Faka imali yemvumo e-akhawuntini yebhanka yomNyango:
Igama lebhanka: Standard Bank of South Africa
Igama lomnikazi we-akhawunti: National Department of Agriculture|
Inomboro ye-akhawunti: 011219556 International Band
Igatja: 010845
I-IB brand 0001982 Centre Code
I-Swift Code: SBZA-ZAJJ
Igama legatja: Arcadia
Thumela iforomo elizalisiweko nobufakazi bokubhadela ku:
The Director: Animal Health
Import Export Policy Unit
Private Bag X138
Pretoria
0001
South Africanamkha kufeksi ethi 012 329 8292. - Sibawa bona utjho eforomini lesibawo ukobana ingabe imvumo uzakuza uzoyithatha namkha ufuna ukuposelwa yona.
- Ebujameni lapho iinlwana kufuze zikwarantinwe khona, kufuze uthinte uDorhodera wezokwelatjhwa kweenlwana wombuso esangweni lokungena:
- E-Johannesburg, umtato: 011 973 2827 namkha kufeksi: 011 973 2828.
- E-Cape Town, umtato: 021 551 2050 namkha kufeksi: 021 551 1378.
- Kwanjesi e-Durban asikho isitetjhi sokukwarantina kodwana ilwazi ungalifumana e-ofisini lelo enomborweni ethi: 031 368 6011 namkha kufeksi ethi: 031 337 7469.
- UDorhodera wezokwelatjhwa kweenlwana wombuso uzakuhlela ukubekwa kweenlwana esiTetjhini seKwarantini begodu kufuze azaliswe ingcenye efaneleko yeforomo lesibawo. Iforomo leli lizakufekselwa i-ofisi elikhupha iimvumo ngudorhodera weenlwana.
- Zalisa isiBopho sokuLitjalelwa (mayelana neenlwana ezilethwa ngenarheni namkha iinyoni ezibekwe ngaphasi kwekwarantini) begodu unamathisele ukulitjalelwa eforomini lesibawo. Ungafumana iforomo lesiBopho sokuLitjalelwa e-Ofisini elikhupha iimVumo le-Directorate Animal Health.
- Ukulandela ukufunyanwa kweforomo elizalisiweko nobufakazi bokubhadela, imVumo yokuLetha ngeNarheni iinLwana kanye neSitifikethi sokuPhila kuhle kweenLwana sizakukhutjhwa besithunyelwe kuwe.
- ISitifikethi sokuPhila kuhle kweenLwana kufanele sizaliswe ngesiNgisi ngudorhodera ogunyazwe ziimPhathimandla ezoNgamele zeenLwana zenarha ethumelako kungakapheli amalanga ali-10 ngemva kokusuka.
- Nayikuthi ufuna ilwazi ngeemfuno ezinembako zesilwana esithileko namkha umkhiqizo wesilwana, ungafumana amakhophi wesibonelo semVumo yokuLetha ngeNarheni neSitifikethi sokuPhila kuhle kweenLwana e-Ofisini lemVumo.
- Kufuze ulethe okulandelako e-Ofisini leSewula Afrika lokuLawulwa kokuLetha Ngenarheni iinLwana eSangweni lokuNgenela:
- imVumo yamaMbala yokuLetha Ngenarheni iinLwana
- iSitifikethi samaMbala sokuPhila kuhle sesiLwana
- Omunye nomunye umtlolo otjhiwoko, isibonelo, isiBopho sokuLitjalelwa, iSitifikethi sokuHlatjelwa amaRabi, imVumo ye-CITES, njll.
- Nayikuthi uletha ngenarheni iinkhumba ezimanzi namkha ezomileko neenkhumbuzo zokuzuma, udorhodera wombuso endaweni okutholakala kiyo indawo evunyiweko kufuze avume isibawo. Udorhodera wombuso ofaneleko kufuze naye atlikitle iforomo lesibawo begodu alifeksele e-ofisini elikhupha iimvumo le-Directorate Animal Health. Nasele lifunyenwe, i-ofisi lemvumo lizakukhupha imvumo yokuletha ngenarheni iinlwana.
- Nayikuthi uletha ngenarheni iinlwana zeplasini eziphilako ezifana neenkomo, izimvu, iimbuzi, iimpere, iimfarigi, iinkukhu (ingasi izinja nabokatsu) namkha izinto zefuzo zeenlwana lezi, kufuze ufumane isigunyaziso esibuya ku-Registrar of Animal Improvement ngaphambi kobana imvumo yokuletha ngenarheni ikhutjhwe. Nawunemibuzo mayelana nokugunyazwa kokuthuthukiswa kweenlwana sibawa udosele umtato ku-012 319 7434 namkha ku- 012 319 7424.
- Zombili iimvumo lezi kufanele zethulwe esiPhathisweni sezokwelatjhwa kweenlwana esangweni lokungena ngenarheni kanye neSitifikethi samaMbala sezamaPhilo esikhutjhwe yinarha ethumelako.
Isaziso esiqakathekileko:
- Ireferensi kufuze kube ligama nesibongo somuntu oletha ngenarheni.
- Nguwe okufanale ubhadele iimali zebhanka kanye neemali zebhanka yangaphandle, umNyango awuzukukhupha imvumo nayikuthi imali eyi-R140 ayikafunyanwa. (Ibuyekezwa unyaka nonyaka begodu ikhutjhwa kuGazede yomBuso).
- Itjhege eyenziwe yabhadela u-Director-General: Department of Agriculture, Forestry and Fisheries’ ingananyathiselwa eforomini lesibawo begodu iposelwe e-adresini engenzasi.
- Iimbhadelo zingenziwa ema-ofisini womNyango wezokuLima, amaHlathi neenHlambi arhenyiswe ngenzasi kwemininingwana yokuthintana:
- Ebujameni lapho wenzela omunye isibawo, sibawa uqinisekise bona ubhadela egameni lomuntu loyo namkha egameni lekhamphani leyo.
- Akunasibawo esizakusetjenzwa ngaphandle kobufakazi bembhadelo. Ubufakazi bokudibhozida kufuze bufekselwe ku: 012 329 8292 buqaliswe ku: Ina Labuschagne.
Isikhathi esibekiweko
Nasele udorhodera wombuso e-ofisini lesitjhaba avume ukulethwa ngenarheni, kuthatha amalanga wokusebenza amathathu ukuya kwamahlanu ukusebenzana nesibawo nokukhupha imvumo.
Kubiza malini
Amaforomo ekufanele uwazalise
- Application to import animals or animal products into the RSA (subjected to quarantine)
- Application to import animals or animal products into the RSA (subjected to further control)
- Application to import animals or animal products into the RSA (not subjected to quarantine)
- https://www.dalrrd.gov.za/Branches/Agricultural-Production-Health-Food-…;
Ungathintana nobani
Contact list: Import and export of animals and animal products
