Ukuletha eSewula Afrika okubonisa unobangela wobulwelwe namkha izinto zokuphilako

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene ngesibawo sokuletha eSewula Afrika okubonisa unobangela wobulwelwe namkha izinto zokuphilako

Nayikuthi ufuna ukuletha ngenarheni imikhiqizo yeenlwana, engaba namalwelwe athelelwanako, umthetho ufuna bona wenze isibawo begodu unikelwe imvumo yokuletha ngenarheni kumNqophisi wokuPhila kuhle kweenLwana.
 
Kufuze ufumane imvumo yokuletha ngenarheni okubonisa unobangela wobulwelwe besilwana namkha izinto zokuphilako ezifana:

  • Neengazi namkha iseramu yeenlwana.
  • Enye nenye isampula ebuya eenlwaneni efana nomthondo, ibisi, ubulungo, isikhumba namkha inyama yesitho sangaphakathi, njll.
  • Ibhakthiriya, amavayirasi namkha omunye nomunye umulwana ongabanga ubulwelwe ukwenzela irhubhululo namkha omunye nomunye umnqopho.

Iimvumo zokuletha ngenarheni zisebenza isikhathi esithileko begodu emthwalweni ngamunye. Kufuze ufumane lemvumo ngaphambi kobana umkhiqizo ulethwe eSewula Afrika ukusuka kwenye inarha.

Kungaba nomunye umthetho osebenza emikhiqizweni ethileko begodu kufuze uqinisekise bonyana uhlangabezana nazo zoke iimfuno zangokomthetho.

Okufanele ukwenze

  1. Zalisa iforomo lesibawo elithi-Application to import pathology specimens into the Republic of South Africa. Thintana nobuNqophisi bokuPhila kuhle kweenLwana  nayikuthi awunasiqiniseko sokobana kufanele uzalise liphi iforomo.
  2.  Namathisela amabanga werhubhululo namkha incwadi ehlathulula umnqopho wokuletha ngenarheni begodu nenikela ngelwazi ngokuphathwa komkhiqizo olethwako loyo, ukuqinisekisa okulandelako:
    • Zoke izinto ezithelelanako kufuze zithunyelwe elabhorathri.
    • Ilabhorathri kufuze ivunywe begodu ukuphepha kwazo (kuye ngengozi ethintekako) kufuze kube sele kuhlonyiwe.
    • Zoke izinto ezilethwako kufuze zitjhabalaliswe ngemva kokuhlolwa namkha kwerhubhululo. 
    • Kufuze kutjhiwo ukobana ingabe iinlwana eziphilako zizakutjhidela entweni elethwa ngenarheni le namkha njani. 
    • Nayikuthi iinlwana eziphilako ziyatjhidela, kufuze zibulawe begodu umzimba wazo utjhabalaliswe ngemva kwerhubhululo namkha ukuhlola.
    • Zoke izinto okunekghonakalo yokuthi zithelelwe ngobulwelwe bomlomo neenqatha kanye nangamanye amalwelwe abuya ngaphandle, zingasiwa ePhikweni eliHlola amaLwelwe eQa imiKhawulo (i-Transboundary Animal Diseases) e-Onderstepoort. 
  3. Udorhodera weenlwana ebuNqophisini bokuPhila kuhle kweenLwana uzakuthinta nayikuthi kunelwazi elifunekako begodu uzakwenza ihlolo yeengozi ukutjheja isibawo sakho. 
  4. Kufuze ubhadele ukufumana imvumo.
  5. Dibhozida imali yemvumo e-akhawuntini yomNyango:   Igama lebhanka: Standard Bank of South Africa
              Igama lomnikazi we-akhawunti: National Department of Agriculture
             Inomboro ye-akhawunti: 011219556 International Band
             Igatja: 010845
             I-IB brand 0001982 Centre Code
             I-Swift Code: SBZA-ZAJJ
            Igama legatja: Arcadia.
  6.  Godu ungabhadela ngetjhege, eyenziwe yabhadela u-Director-General: Department of Agriculture, Forestry and Fisheries.
  7. Iimbhadelo godu zingenziwa ema-ofisini womNyango wezokuLima, amaHlathi neenHlambi.
  8. Nguwe ozakubhadela iimali zebhanka kanye neemali zebhanka yangaphandle: umNyango angeze uyikhuphe imvumo nayikuthi awukayifumani imali ezeleko eyi-R120.
  9. Isaziso esiqakathekileko: Ireferensi kufuze kube ligama nesibongo somuntu oletha ngenarheni.
  10. Thumela iforomo nobufakazi bokubhadela:
    The Director: Animal Health
    Import Export Policy Unit
    Private Bag X138
    Pretoria
    0001
    South Africa
    namkha feksela ku 012 329 8292 / e-mail: VetPermits@daff.gov.za.
  11. Sibawa bona utjho eforomini lesibawo ukobana ingabe imvumo uzakuza uzoyithatha namkha ukufuna ukuposelwa yona.
  12. Ukulandela ukufunyanwa kweforomo elizalisiweko nobufakazi bokubhadela, ubuNqophisi bokuPhila kuhle kweenLwana buzakukhupha imVumo yokuLetha ngeNarheni iinLwana kanye neSitifikethi sokuPhila kuhle kweenLwana.
  13. Udorhodera weenlwana ogunyazwe ziimPhathimandla zeenLwana zenarha ethumela ngaphandle kufuze azalise isiTifikethi sezokuPhila kuhle kwesiLwana ngaphambi kokusuka komthwalo.
  14. Kwesinye isikhathi isiTifikethi sezokuPhila kuhle kwesiLwana  asifuneki nakulethwa okubonisa unobangela wobulwelwe ngenarheni kodwana udorhodera wangokomthetho wenarha ethumelako kufuze afanise abe avale umthwalo.
  15. Kufuze ulethe imVumo yamaMbala yesiLwana (begodu isiTifikethi samaMbala sesiLwana nasifunekako) esiPhathisweni seSewula Afrika esiLawula ukuLethwa kweenLwana esangweni lokungena.
  16. Nayikuthi utlhoga elinye ilwazi ngeemfuno ezinembako zokubonisa ubulwelwe namkha umkhiqizo wokuphilako ungafumana amakhophi walokho okubonisa ubulwelwe wemVumo yokuLetha ngenarheni kaDorhodera weenLwana kanye nesiTifikethi sokuPhila kuhle kwesiLwana. 
  17. Ebujameni lapho wenzela khona omunye isibawo, sibawa bona ubhadele ngegama lomuntu loyo namkha lekhamphani.

Tjheja: Akunasibawo esizakusetjenzwa ngaphandle kobufakazi bokubhadela. Ubufakazi bokudibhozida kufuze bufekselwe ku-Ina Labuschagne  enomborweni ethi: 012 329 8292.

Isikhathi esibekiweko

Nasele udorhodera weenlwana wombuso e-ofisini lesitjhaba avume ukulethwa ngenarheni, kuthatha amalanga wokusebenza amathathu ukuya kwamahlanu ukusebenzana nesibawo nokukhupha imvumo.

Kubiza malini

R220

Ungathintana nobani

 

Share this page