Isicelo semvume yesikhashana yokungenisa izilwane ngenhloso ethile efana nemibukiso

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene yesibawo sokuletha ngenarheni namkha sokuthumela ngaphandle kwesikhatjhana ukwenzela iminqopho ethileko

Nayikuthi ufuna ukuletha eSewula Afrika namkha ukuthumela ngaphandle kweSewula Afrika iinlwana kwesikhatjhana ukwenzela iminqopho ethileko efana nemiqaliso, imiboniso, amaphaliswano nokujarha ukwenzela ukuzalanisa / imisebenzi yeenlwana, kufuze wenze begodu unikelwe imvumo yokwenza ngcono iinlwana enikelwa ngu-Registrar of Animal Improvement.

Godu kufuze wenze isibawo sokuletha ngenarheni izinto zeenlwana ebuNqophisini bokuPhila kuhle kweenLwana kanye neSitifikethi sokuPhila kuhle kweenLwana enarheni ethumelako.

Kufuze wenze isibawo amalanga ama-30 ngaphambi kobana ulethe ngenarheni / uthumele ngaphandle.

Okufanele ukwenze

  1. Zalisa iforomo lesibawo elithi: Application to import/export animals for certain purposes.
  2. Nayikuthi uletha ngenarheni isilwana kwesikhatjhana ukwenzela iminqopho yokuzalanisa / imisebenzi yeenlwana, kufuze ube neSitifikethi esibuya ku-Registrar enarheni lapho ususa isilwana ukusuka kiyo. Isitifikethi kufuze sitjengise umhlobo we-DNA yeengazi zesilwana kanye nomfanekiso waso. 
  3. Isiphakamiso esibuya eHlanganweni yezokuZalanisa yeSewula Afrika esenzelwe izalaniso leemfarigi ezikulu ezimhlophe. 
  4. Godu ungabhadela ngetjhege namkha iposoda uyiqalise ku:
    • Director General: Department of Agriculture, Forestry and Fisheries
      Standard Bank of South Africa
      Igatja: Arcadia
      Inomboro ye-akhawunti: 011219556
      Ikhodi yegatja: 000845/ 010845
      Ireferensi kufuze kube ligama nesibongo.
  5. Iimbhadelo godu zingenziwa ema-ofisini womNyango wezokuLima, amaHlathi neenHlambi arhenyiswe ngaphasi kwemininingwana yokuthintana.  
  6. Nguwe ozakubhadela iimali zebhanka kanye neemali zebhanka yangaphandle. UmNyango angeze wakhupha imvumo nayikuthi imali epheleleko eyi-R302 ayikafunyanwa.
  7. Ebujameni lapho wenzela omunye umuntu isibawo, sibawa uqinisekise bonyana ubhadela egameni lakhe namkha lekhamphani leyo.  
  8. Akunasibawo esizakusetjenzwa ngaphandle kobufakazi bembhadelo.
  9. Thumela iforomo nobufakazi bokubhadela ku:
    The Registrar of Animal Improvement
    Private Bag X138
    Pretoria
    0001
    South Africa
    namkha feksela ku: (012) 319 7570/7425.
  10. Ukulandela ukufunyanwa kweforomo elizalisiweko kanye nobufakazi bokubhadela, imvumo yokwenza ngcono iinlwana izakukhutjhwa begodu ithunyelwe kumNqophisi wokuPhila kuhle kweenLwana nozakukhupha imvumo yokuletha ngenarheni kwesilwana.
  11. Ngemva kokwenza isibawo sokwenziwa ngcono kweenlwana, kufuze wenze isibawo semvumo yokuletha ngenarheni kwesilwana kumNqophisi wokuPhila kuhle kweenLwana. Nawunemibuzo mayelana nemvumo yokuletha ngenarheni sibawa udosele ku: (012) 319 7514.
  12. IPhiko lokwEnziwa ngcono kweenLwana lizakusebenza iforomo lesibawo sakho begodu likhuphe isitifikethi esizakunikelwa ubuNqophisi bokuPhila kuhle kweenLwana ukwenzela ukobana ufumane imvumo yakho yokuletha ngenarheni isilwana. 
  13. Kufuze wenze isibawo sesitifikethi sesilwana ukusuka kumNqophisi wokuPhila kuhle kweenLwana. 
  14. Kufanele ulethe zombili iimvumo zamambala eemphathisweni ezitjheja iinlwana esangweni lokungenela kanye neSitifikethi sezamaPhilo esibuya enarheni ethumelako.

Tjheja: Iimbawo ezingakazaliswa zizakubuyiselwa emva kumbawi begodu akunasibopho sokutjhaphelwa esizakwamukelwa.

Isikhathi esibekiweko

Kuzakuthatha amalanga ama-30 ukusebenzana nesibawo sakho.

Kubiza malini

R220

Amaforomo ekufanele uwazalise

Application to import/export animals for certain purposes

Ungathintana nobani

 

Directorate Animal Production
Tel: 012 319 7424 / 012 319 7576 / 012 319 7590 / 012 319 7429 / 012 319 7434 / 012 319 7486
Fax: 012 319 7570/7425
Physical address: Delpen Building, Cnr Annie Botha Avenue and Union Street, Riviera, Pretoria
Postal address: The Registrar of Animal improvement Private Bag X138, Pretoria, 0001

Share this page