Ukutlolisa izinto zokuthunyelwa zokwelapha ifuyo

Okuphathelene nesibawo sokuvunywa nokutloliswa kwendawo yokwelatjhelwa kweenlwana ukwenzela ukuthumela ngaphandle 

Ungathumela ngaphandle iinlwana namkha imikhiqizo yeenlwana nayikuthi ibuya eendaweni ezikhambisana namazinga weentjhabatjhaba namkha nomthetho wenarha ethengako. Iindawo lezi kungaba buhlabelo, sitetjhi sekwarantini, yindawo yokumithisela ngezandla, yindawo yokubuthelela umbungu, liplasi, yidawo yokudlela, yifemu yokusebenzana nokudla neendawo zokubeka ukudla.

Okufanele ukwenze

1. Thintana noDorhodera wokwelatjhwa kweenlwana oseduze ukuze wenze isibawo sokuhlolwa kwendawo ukwenzela ukuzitlolisela ukuthumela ngaphandle.
2. Hlela noDorhodera wokwelatjhwa kweenlwana ukuhlola indawo.
3. Udorhodera wokwelatjhwa kweenlwana wephrovinsi uzakuzalisa umbiko wokuhlola begodu anikele ngamabanga neemphakamiso begodu awuthumele emNyangweni wezokuLima, amaHlathi neenHlambi bona uvunywe. 
4. Nayikuthi iyavuywa, umNyango wezokuLima, amaHlathi neenHlambi uzakutlolisa indawo begodu ukhuphe isitifikethi sokuthumela ngaphandle esivamise ukusebenza unyaka.  

Isikhathi esibekiweko

Kwehluka iphrovinsi nephrovinsi.

Kubiza malini

Iindleko zihluka iphrovinsi nephrovinsi.

Amaforomo ekufanele uwazalise

Amaforomo awatholakali ku-inthanethi, thintana noDorhodera wokwelatjhwa kweenlwana wephrovinsi oseduze nawe namkha ne-Department of Agriculture, Forestry and Fisheries.

Ungathintana nobani