Isibawo semvumo yokutjhayela yesiphrofetjhinali

Okuphathelene Isibawo sephemidi ephrofetjhinali yokutjhayela

Ukobana utjhayele eendleleni zomphakathi uthwale imithwalo, imithwalo enengozi, abantu ukobana uzenzele imadlana eSewula Afrika, kufanele ube nephemidi ephrofetjhinali yokutjhayela (i-PrDP).

Iphemidi ikhutjhwa ngokungezelela ilayisensi ejayelekileko yokutjhayela. I-PrDP yenziwa mayelana nemikhakha yeenkoloyi ezilandelako:

ikoloyi ethwala umthwalo enobudisi bekoloyi obungadluliko ku- 3 500 kg
Ikoloyi edosa iinkoloyi eziphukileko nanyana ibhesi
ibhesana enobudisi ongabudluliko ku-3 500 kg nanyana eyenzelwe ukulayitjha abantu abali-12 nanyana abadlulako (kufake hlangana nomtjhayeli)
ikoloyi encani, evezwe ephikweni lomnotho mayelana nokuthwala abakhweli mayelana nokuthola imali (iteksi i-i-cab)
ikoloyi eyenzelwe ukuthwala abantu abali-12 nanyana abadlulako
enye nenye ikoloyi ekhambako enikelwe ilayisensi yokutjhayela
iinkoloyi ezithwala imithwalo eyingozi (isib. Ilori yamapetroli, njll.)

Imibandela yeminyaka mayelana nemikhakha yeenkoloyi ingalindlela elandelako:

iinkoloyi ezithwala imithwalo - kufanele ube neminyaka eli-18 ubudala nanyana eyeqako
iinkoloyi ezithwala abantu - kufanele ube neminyaka ema-21 ubudala nanyana eyeqako Iinkoloyi ezithwala imithwalo eyingozi - kufanele ube neminyaka eli-18 ubudala nanyana eyeqako.

Ungathola i-PrDP nangabe :

unelayisensi esemthethweni yokutjhayela mayelana nomhlobo wekoloyi okukhulunywa ngawo
udorhodera uqinisekise bon usebujameni obuhle ngokwemedikhali
uqinisekiswe mkhakha webandulo ophunyelelisiweko (lokhu kufuneka kwaphela emkhakheni D iinkoloyi ( ezithwala imithwalo eyingozi)
awunalo irekhodi lobulelesi ebizweni lakho eminyakeni emihlanu edlulileko ngalindlela:
- utjhayele ikoloyi lokha nawuselileko nanyana ubheme iindakamizwa ezinesithintela senakhothiki
- utjhayele ikoloyi lokha nawuneengazi emzimbeni nanyana utjwala nabeqa ezingeni elifaneleko nawuhlolwako
- lokha nakusibawo wephemidi yomkhakha P kanye no-D, ubulelesi lapha kutholakala khona bona wabe usilwa;
azange khewumukwe ilayisensakho ijanyiswe okwesikhatjhana
azange khewubanjelwe ubulelesi nanyana ubhadale ifayini yokwamukela umlandu.

Njengomtjhayeli nanyana umnikazi wekoloyi lapha kufuneka khona i- PrDP, angeze uvumele omunye umuntu bona atjhayele ikoloyakho endleleni, ngaphandle kwalokha nangabe une- PrDP efaneleko yaloyo mkhakha wekoloyi.

Okufanele ukwenze

Iya esiteyitjhini sangekhenu sokuthathisa amalayisense wokutjhayela (i-DLTC) uyokuzalisa iForomu lesibawo sokuthola iphephamvumo lokutjhayelela umsebenzi (i-PD1).
Zalisa iForomu i-NCP lesaziso sokutjintja isiphande namkha imininingwana yomuntu namkha imininingwana yehlangano.
Khamba nanakhu okulandelako:
- Umazisi wakho (i-ID), ikarada lakho lelayisense yokutjhayela namkha ipaspoti yeSewula Afrika esemthethweni;
- Iinthombe ezine ezifanako ezinganambala. Nokho-ke thoma ngokuthola iqiniso kwa-DLTC ukuthi kufuneka iinthombe ezingaki, ngaphambi kobana ufode iinthombe;
- Ilayisense yokutjhayela esemthethweni (yekhowudi efana neyomodoro owenzela isibawo);
- Isitifikethi sokubandulwa (nayibe siyafuneka) ;
- Incwadi yakwaDorhodere (isebenza kwaphela nayibe ayisiyindala ukudlula iinyanga ezimbili);
- Elinye iphephamvumo onalo lokutjhayelela umsebenzi namkha lokutjhayela iinthuthi zomphakathi;
- Ubufakazi besiphande seposo nesendawo ohlala kiyo, isb: incwadi yokubhadela igezi namanzi kwamasipaladi namkha incwadi yokubhadela ifowuni yangekhaya. Nakube incwadi yobufakazobu ayisisebizweni lakho, umnikazayo kuzakufuneka enze isifungo esitloliweko esifakazela ukuthi nangambala uhlala kilesi siphande ositjhoko, bese incwadi efungelweko le iqobotjhelwa namkha inanyathiselwa encwadini yobufakazi besiphande.
- Nakube uhlala endaweni yemitlhatlhana, letha incwadi enesitembu esisemthethweni ebuya ekhanseleni lewadi elifakazela isiphande sakho seposo nesalapha uhlala khona;
- Bhadela imali ebekiweko.

Uzakuhlolwa amehlo esiteyitjhini sokuthathisela amalayisense wokutjhayela. Nakungasinjalo ungazihlolisela amehlo ngokwakho kwadorhodere wamehlo, bese ngemva kwalokho-ke uletha iforomu elimbiko kadorhodere.
Ngemva kokubhadela, uzakuthunyelwa esiteyitjhini samapholisa sangekhenu namkha esiseduze kobanyana uyokubawa umbiko werekhodi lamacala. Nakube i-DLTC inayo indlela yokuthumela umbiko loyo ngesikhatheso ngekhomphyutha (i-LCU), izawuthumela khonokho ngekhomphyutha esiteyitjhini samapholisa.
Kufuze uthumele nemali yokwenza isibawo ngaphambi kobana isibawo sakho singasetjenzwa; ungayifaka e-akhawundini yebhanga imali le.

Nasi imininingwana ye-akhawundi yebhanga ozakuthumela ngayo imali yesibawo:
IBizo lomNini s-aKhawundi: Ideco AFISwitch (Pty) Ltd
IBhanga: ABSA
IGatja: Business Banking Johannesburg North
Umhlobo we-Akhawundi : Itjhege
INomboro ye-Akhawundi : 4074078548
IKhowudi yeGatja : 630256
INomboro eyiReferensi: Faka inomboro ye-ID yomfakisibawo ibe yireferensi.

7. Uzakwaziswa nasele lilungile ikarada le-PrDP kobanyana sewungayolithatha. Khamba nento ozazazisa ngayo nasele uyolithatha, njenge-ID nje. Amakarada angakathathwa ngemva kwamalanga ali-120 azakudatjulwa.