Isibawo selayisense yomsebenzi womphakathi

Ihlathululo

Amagadango okufanele alandelwe

Amazinga wokusebenza nesikhathi

Iindleko

Amaforomo azaliswako

Imininingwana yokuthintana  

Ihlathululo

ILayisense yokuRhatjhela umPhakathi iqalelelela iindingo zokurhatjha zomphakathi ubunengi besikhathi esiminyaka emine. Iyavuseleleka, kodwana kuyame ekuthini wenze isibawo sokuvuselelwa kwelayisense ngaphambi kweenyanga ezisithandathu namkha kungakadluli iinyanga ezintathu ngaphambi kokuphela kwelayisense ekhona. Iyavuseleleka kodwana kuyame ekuthini oyifunako akhambisane nobujamo obubekwe mlawuli onikela ngamalayisense. Ilayisense inikelwa imiphakathi ezihloma njengamakampani weSigaba 21, i-Trust, ihlangano yokuzinikela namkha enye nenye ihlangano eyaziwako engenzi inzuzo. Iminqopho yeLayisense yokuRhatjhela umPhakathi yeminyaka emine kufikelela okulandelako:

• kuphuhlisa ilungelo lokuthintana nekululeko yokukhuluma ngokuzithandela
• kuvumela ukwehlukana ebubulweni lezokurhatjha
• kubandakanya umphakathi ngokubonakalako njengabavezi, abaphathi nabalaleli ekambisweni yokuthintana
• kukuba mamezwi wemiphakathi
• kunikela ngamahlelo atjengisa iinkareko ezikhethekileko neendingo zabantu zomphakathi, afaka amasiko, ilimi, ikolo neendingo zeentjhaba zabantu.

ILayisense yokuRhatjhela umPhakathi yeminyaka emine inganikelwa emahlangothini alandelako:

• Umsebenzi omuhle wokurhatjha
• Umsebenzi wokurhatjha kamabonwakude.

Ilayisense isebenza iminyaka emine.

UmNyango wezokuThintana usekela abanikazi bamalayisense weminyaka emine ngeensetjenziswa zokurhatjha nokuveza amahlelo, kuye ngokuthi bahlangabezana neendingo zomNyango.

Amagadango okufanele alandelwe

I-ICASA izakukhupha isibawo sokwenza iimbawo zomsebenzi wokurhatjhela umphakathi ngomdumo bewunikele ngamafrikhwensi atholakalako eendaweni ezihlukeneko. Njengombawi welayisense, kufanele wenze okulandelako:

• Hloma isiqhema somsebenzi esizakuqalana nekambiso yesibawo besisebenze njengombawi esikhundleni somphakathi.
• Qinisekisa bonyana isiqhema somsebenzi senza okulandelako:
• • sibuthelela amatlikitlo emphakathini
  • sitlola amaqhinga webhizinisi
  • sikghonakalisa ukukhethwa ngentando yenengi kwamalunga webhodo
  • siqunta ngendawo yestudiyo nesayithi yokudlulisa.
• Bawa iforomo lesibawo lomsebenzi wokurhatjha nokusatjalaliswa kwetshwayo lokudlulisa.
• Zalisa iforomo lesibawo ngamagabhadlhela, usebenzise amaledere amakhulu.
• Letha iforomo lesibawo lamambala namakhophi alitjhumi nasithandathu weentifikhethi ku-ICASA nemali yesibawo.

Iimbawo ezingakaliswa ngokuzeleko zizakubuyiselwa kubabawi begodu akunakuziphendulela okuzakwamukelwa ngokuthikanyezwa.

Amazinga wokusebenza nesikhathi

Kungathatha iinyanga ezintathu kuya kwezine.

Iindleko

2023/24

Amaforomo azaliswako

Iforomo lesibawo lihlangothi lamatjhejuli weGazede yomBuso.

Imininingwana yokuthintana