Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Mayelana nokufaka isibawo sesitifikeyidi sehlelo lokuthuthukisa iingaba zokuthoma zokukhula (i-ECD)
Ingabe uphethe iinkghonakalisi ezithuthukisa iingaba zokuthoma zokukhula (i-ECD) begodu ufuna ukunikela ifundo kanye nesekelo elifaneleko ukobana uthuthukise umnyaka, isigaba kanye neendingo zabantwana obatlhogomelako, kufakwe hlangana abantwana abanokukhubazeka, abanamalwele angapholiko nezinye iindingo ezikhethekileko?
Ungafaka isibawo sesitifikeyidi sehlelo le-ECD ku-ofisi yomNyango oThuthukisa zeHlalakuhle oseduze nawe nanyana e-ofisini kaMasipala.
Isibawo sakho singanikelwa ukobana sithathe iminyaka engeqiko kwemihlanu.
- Ukobana isibawo sakho sitjhejwe, ihlelo le-ECD kufanele likhambisane nemithetho kanye namazinga naka aqintiweko:
- Ukunikela amathuba wokuthuthukisa afaneleko
- Kufanele ihlose ekusizeni abantwana ukobana bafinyelele ekghonweni labo
- Itlhogomele abantwana ngendlela efaneleko begodu inikele isekelo kanye nevikeleko
- Ukuqinisekisa ukuthuthuka kwendlela ehle yokuziphatha kuhle
- Ukuhlonipha nokukhuthaza isiko, umoya, isithunzi, ukuba munye kanye nelimi lomntwana ngamunye, begodu.
- Ukuhlangabezana neendingo zomntwana ngamunye zokuthatheka ngokomuzwa, komkhumbulo, imizwa, komoya, komzimba, zehlalakuhle kanye nokukhulumisana:
- Ukuphila kuhle emzimbeni
- Ukuba nekhwalifetjheni efaneleko ye-ECD, amakghono, ibandulo begodu
- Ube nobuncani beminyaka emithathu yokusebenza enadweni ethuthukisa isigaba sokuthoma sokukhula.
Sibawa utjheje:Ukobana uphumelele ekutholeni imali yokuthuthukisa amahlelo we-ECD, kufanele ukhambisane nemithetho kanye namazinga aqintiweko. Ukunikelwa kwemali kulawulwa ngilokho okurhabekileko emiphakathini lapha imindeni inganaandawo zokuhlala khona, ukudla kanye nezinye iindingo ezisisekelo zepilo ebantwaneni babo.
Okufanele ukwenze
- Faka isibawo mayelana nokurejistara nanyana ufake isibawo sokurejistara ngokwemibandela yehlelo le-ECD kumNyango oThuthukisa zeHlalakuhle nanyana e-ofisini kaMasipala eseduze nawe lapha uzakunikelwa khona iForomo 16 ukobana ulizalise.
- Isibawo sakho kufanele sibe nalokhu:
- Ibizo lakho nenomboro kamazisi
- Isiphande sakho seposo nesesitrada
- Imininingwana yehlelo le-ECD
- Umtlamo osebenzako wehlelo le-ECD
- Ukubumbeka kweensebenzi okubabantu abazakuba nesibopho sokunikela ihlelo le- ECD
- Umkghonakalisi wesitatimende seemali ze-ECD
- Amakhwalifikhetjhenakho, amakghono kanye nyelemuka
- ukuphunyeleliswa okunikelwa mNyango wezobuLungiswa kanye nokuThuthukisa kwemiThethosisekelo ukuqinisekisa bona ibizo lakho kanye neensebenzi aziveli kungcenye B yeRejistara yeliZwe yokuVikelwa kwabaNtwana nanyana iRejistara yeliZwe mayelana nabaphulimthetho kwezomseme
- Nasele isibawo sakho siphunyelelisiwe, uzakunikelwa isitifikeyidi sokurejistara nanyana ukurejistara okunombandela nanyana ukungezelelwa kokurejistara.
- Ukukweriya kokuhlola iragelo phambili okwenziwa ziimphathiswa ezibuya kumNyango oThuthukisa zeHlalakuhle kanye nomasipala kuzakwenziwa kusikghonakalisi sakho.
Isikhathi esibekiweko
Kungathatha ukuyokufika eenyangezi ezintathu ukobana unikelwe isiTifikeyidi sakho sokuRejistara
Amaforomo ekufanele uwazalise
Amaforomo i-16 ayatholakala kumNyango oThuthukisa zeHlalakuhle eseduze nawe nanyana e-ofisini kaMasipala
UmNyango oThuthukisa zeHlalakuhle erhelweni lama-ofisi ongawathinta