Sluit 'n residensiële fasiliteit vir ouer persone

Meer oor die sluiting van ‘n residensiële fasiliteit vir ouer persone

Wil jy ‘n residensiële fasiliteit vir ouer persone sluit en jou registrasiesertifikaat kanselleer? Jy moet die Departement Maatskaplike Ontwikkeling en die inwoners binne 90 dae na jou besluit in kennis stel van jou voorneme om die residensiële fasiliteit te sluit.

Die residensiële fasiliteit moet verseker dat behoorlike berading aan die ouer persone gebied word voor die residensiële fasiliteit toemaak.

Jy moet geskikte akkommodasie vir die ouer persone by ‘n ander geregistreerde residensiële vind en die registrasiesertifikaat aan jou naaste kantoor van die Departement Maatskaplike Ontwikkeling terugbesorg.

Wat om te doen

Voltooi aansoekvorm 12 by jou naaste kantoor van die Departement Maatskaplike Ontwikkeling.
Nadat jy jou aansoek ingedien het sal jy as bewys van jou aansoek ‘n erkenningsvorm (vorm 13) kry.
Die Departement moet die geïdentifiseerde alternatiewe akkommodasie waarheen die ouer persone oorgeplaas sal word, assesseer.
Jy moet ‘n verslag by die Departement indien waarin jy die stappe uiteensit wat jy geneem het om alternatiewe akkommodasie vir die ouer persone te vind.