Registreer ’n patent by die Kommissie vir Maatskappye en Intellektuele Eiendom (CIPC) om te verhoed dat ander mense sonder jou toestemming jou uitvindsel maak, gebruik, beoefen, verkoop of invoer.
’n Patent is ’n eksklusiewe reg wat aan ’n uitvindsel toegestaan word. Sodanige uitvindsel moet ’n produk of proses wees wat ’n nuwe manier bied om iets te doen, of wat ’n nuwe tegniese oplossing vir ’n probleem bied. Patent-beskerming beteken dat iemand anders vir ’n beperkte tydperk van 20 jaar nie jou uitvindsel sonder jou toestemming mag maak, gebruik, versprei of verkoop nie.
Vind meer uit oor patente by die Kommissie vir Maatskappye en Intellektuele Eiendom (CIPC) of skakel die CIPC by 086 100 2472.
